Auto Plus http://mediapress.al/wp-content/uploads/2021/03/porsche.jpg

Porsche dëshiron ta bëjë benzinën po aq ekologjike sa makinat elektrike



Prodhuesi gjerman i automobilëve luksozë ka investuar shumë në elektromobilitet. Por me një karburant të pastër sintetik Porsche dëshiron t‘i mbajë më gjatë në rrugë modelet e vjetra.

 

Kalimi te elektromobiliteti mund të jetë qëllimi kryesor i industrisë së automobilëve. Tek Porsche besojnë ende te motori me djegie të brendshme – megjithëse edhe këtu investohen tashmë miliarda për zhvilimin e modeleve elektrike. Prodhuesi gjerman i makinave kërkon alternativa ekologjike, me qëllim që modelet e tij luksoze të lëvizin në rrugë edhe në të ardhmen.

Fjala është për elektro-karburantet apo e-fuels, benzinë sintetike metanoli, e prodhuar me hidrogjen ekologjik nga energjia e rinovueshme. Karburanti digjet njëlloj si benzina e bërë prej nafte, por pa emisione të gazrave serë. Mund të shitet në mbarë botën në rrjetin ekzistues të pompave të karburantit dhe pronarëve të porsheve nuk u duhet të ndërrojnë motorët.

Muajin e kaluar Porsche njoftoi se karburanti i parë do të jetë gati në vitin 2022. Nëse benzina sintetike implementohet me të vërtetë me sukses, Porsche mund të kursejë miliona euro nga gjobat e vendosura nga BE për shkak të objektivave të mbrojtjes së klimës. Shtetet e BE ranë dakord në 2014, që prodhuesit e makinave deri në vitin 2020 të kufizojnë emetimet CO2 në 95 gram për kilometer për të gjitha modelet. Përndryshe. duke filluar nga ky vit, ata do të gjobiten. Edhe pse shumica e prodhuesve kanë shitur automjete elektrike dhe hibride më ekologjike për mjedisin, kjo nuk mjafton për të përmbushur kriteret e BE, shkruan DW.

Impiant i ri karburanti në Kili

Lënda djegëse ekologjike do të prodhohet në jug të Kilit. Atje Siemens Energy po ndërton së bashku me Porschen një impiant të ri industrial të quajtur Haru Oni, që do të shfrytëzojë erërat në këtë rajon. Atje ndodhet parku më i madh i erës në Amerikën e Jugut.

Zëdhënësi i Porsches Peter Gräve i tha DW se „karburanti fillimisht do të përdoret për aktivitetet e sporteve motorike të Porsches. Kjo është interesante, sepse qarkullojnë fjalë, që prodhuesi i makinave sportive mund të kthehet në Formula 1 pas 30 vitesh mungesë. Formula 1 është obliguar për integrimin e karburanteve sintetike në sport deri në vitin 2025. Nëse projekti pilot ka sukses, karburanti do të përdoret edhe në modelin ekzistues.

Në planin afatmesëm e-fuels kanë potencial të kombinojnë të ardhmen me traditën,” parashikon Gräve. Nga vlerësimet aktuale parashikohet se në vitin 2040 do të ketë akoma në rrugë miliona automjete me motorë me djegie të brendshme.

Lëndët e para sintetike mund të përftohen nga qymyri, gazi apo lënda e parë nga biomasa dhe mund të prodhohen me metoda të ndryshme.

Si qëndron puna me elektromobilitetin?

Por Porsche e ka bërë të qartë se investimet në prodhimin e e-fuels nuk do të zëvendësojnë hyrjen e teknologjisë së elektromobilitet. “Elektromobiliteti vazhdon të ketë përparësinë më të lartë në Porsche,” theksoi Gräve dhe shtoi se kompania i sheh e-fuels si një shtesë për strategjinë e saj elektrike. Në raportin financiar për vitin 2020 Porsche njoftoi se deri në vitin 2025 gjysma e gamës së modeleve do të jenë elektrike ose hibride.

Deri në 2024 kompania planifikon të investojë rreth dhjetë miliardë euro në hibridizimin, elektrifikimin dhe dixhitalizimin e makinave të saj. Pas prezantimit të Taycan-it elektrik në prill 2019, pasoi Cross Turismo. Kompakt-SUV Macan do të dalë në treg vitin e ardhshëm.

Të fundit

Ford Mustang është vetura sportive më e shitur më 2020

Për dy ditë, më 17 prill, Ford Mustang do të shënojë 57-vjetorin e themelimit dhe si dhuratë për kompaninë, është lajmi se kjo veturë sërish ishte më e shitura në botë sa u përket aty

Citroen prezantoi C5 X – Kombinim i sedanit, SUV-it dhe kamionçinës

Citroën paraqet C5 X, një përfaqësues i ridizajnuar i segmentit të kryqëzorëve rrugorë me një pamje autentike, i cili është një kombinim i sedan dhe kamionçinë, ose një zgjidhje inovati

Ford fillon prodhimin e modelit të ri të veturës më të shitur në SHBA

Ford-i ka nisur prodhimin e versionit të fundit të modelit F-150, që është vetura më e kërkuar në Shtetet e Bashkuara të Amerikës. Ky lloj i veturës është më i shituri në SHBA në 43 vi

Gjigantët gjermanë fillojnë vitin me shitje rekord në të gjithë botën

Një vit pas periudhës më të errët të prodhuesve të veturave gjermane në disa dekada, biznesi i shitjeve pothuajse s’ka qenë asnjëherë më mirë. Në raportin e publikuar së fundmi nga dy

Kroatët po ndryshojnë rregulloret e trafikut, kjo gjithashtu ka të bëjë me shoferët tanë

Plani i ri Kombëtar i Sigurisë Rrugore parashikon heqjen e 10% të tolerancës për shpejtësi dhe uljen e vlerave kufitare të sasisë së lejuar të alkoolit në gjakun e shoferit, e cila tani arr

Toyota zbulon pasardhësin e GR-86

Toyota ka zbuluar Coupe-n e ri të GR86, pasardhës i GT86, i cili pritet të dalë në shitje në Japoni në vjeshtën e këtij viti. Ai u krijua në gjeneratën e dytë të Subaru BRZ, me të cilën

Info Tjera