Diaspora jonë http://mediapress.al/wp-content/uploads/2021/02/Screenshot_20190526-115827.jpg

Aktivitetet e Lobit Euro-Atlantik Shqiptar me rastin e 5 vjetorit të themelimit



Në datën 20 Shkurt 2021, Lobi Euro-Atlantik Shqiptar organizoi aktivitetin festiv “5 Vjet LEASH”, i cili u mgajt virtualisht me moderimin profesional të z. Festim Zaçe.

Në këtë aktivitet na nderoi me pjesëmarrjen e tij Ambasadori i Republikës së Kosovës në Norvegji, z.Uliks Emra, shefi i Konsullatës së Republikës së Kosovës në Shtutgart, z. Imer Lladrovci, Presidentja e Lobit Euro-Atlantik Shqiptar, zj. Brikena Qama dhe ativistë, iniciatorë e themelues të kësaj Organizate, z. Musa Tolaj, z. Kemajl Shaqiri, z. Avni Dervishi, z. Shaban Haliti, zj. Behide Hasanaj, z. Xhafer Ahmetaj.

Aktiviteti u përshëndet edhe nga të ftuar nga Mali i Zi, z. Tahir Tahiri (ish kryetar i Këshillit Kombëtar të Shqiptarëve në Mal të Zi), nga Shqipëria, z. Lulzim Resuli (kryetar i Shoqatës së Jetimëve”), nga Maqedonia e Veriut, z. Azem Ejupi (profesor), nga Austria, z. Miftar Zagragja.

Të pranishëm ishin anëtarë të degëve të Leash si dhe kontribues e mbështetës nga Greqia, Norvegjia, Italia, Zvicra, Gjermania, Austria, Kosova, etj…

Programi festiv u hap me interpretimin e Himnit Kombëtar nga profesori i muzikës me banim në Norvegji, z. Musa Ramaj.

Më pas Presidentja e Leash, zj. Brikena Qama në fjalën e saj përshëndeti e falenderoi pjesëmarrësit për prezencën e tyre. Në vazhdim zj. Qama uroi Pavarësinë e Kosovës duke u shprehur se 17 Shkurti është një datë e shtuar në kalendarin e festave Kombëtare prej 13 vjetësh dhe kremtohet çdo vit në kujtim të sakrificës e gjakut të derdhur për liri.

Në fjalën e saj zj. Qama u përqendrua në disa prej objektivave të Lobit Euro-Atlantik Shqiptar duke sjellë në vëmendje edhe disa nga ndërmarrjet e Leash për arritjen e këtyre objektivave.

Në vijim fjalën e mori z. Xhafer Ahmetaj, anëtar i Këshillit Iniciator që prej vitit 2016 dhe aktualisht kryetar i degës së Norvegjisë. Z. Ahmetaj njohu të pranishmit me historikun e krijimit të Lobit Euro-Atlantik Shqiptar duke u ndalur në stacionet më të rëndësishme të tij, që prej ideimit e deri në punimet e Asamblesë së Jashtëzakonshme të mbajtur në Athinë, në Shkurt të 2020. Z. Ahmetaj përmendi kontribues e veprimtarë të vyer për Lobin dhe për mbarë diasporën të cilët në kaq vite i kanë shërbyer idesë së organizimit të diasporës nën një kulm.

Në përshëndetjen e tij, Ambasadori i Republikës së Kosovës në Norvegji, z. Uliks Emra uroi pesë vjetorin e Lobit Euro-Atlantik Shqiptar e përgëzoi bordin drejtues për çdo aktivitet të ndërmarrë. Në fjalën e tij ai uroi gjithashtu Pavarësinë e Kosovës dhe shprehu edhe një herë vullnetin e mirë për bashkëpunim me shoqata e organizata.

Me të njëjtat urime u shpreh edhe Konsulli i Republikës së Kosovës në Shtutgart, z. Imer Lladrovci duke përmendur rëndësinë e ekzistencës së organizmave të ndryshëm në diasporë dhe të aktiviteteve të tilla.

Në fjalën e tij ai theksoi se duhen përkujtuar me nderim të gjithë dëshmorët e luftës çlirimtare në Kosovë.

Më pas vijuan me fjalët e tyre zotërinjtë Musa Tolaj, zj. Behide Hasanaj, Avni Dervishi, Kemajl Shaqiri e Shaban Haliti të cilët sollën për auditorin ndjesi, fakte e përjetime nga aktiviteti i tyre në Leash. Z. Avni Dervishi, në fjalën e tij theksoi rëndësinë e mirëintegrimit të brezave në diasporë duke luftuar njëkohësisht asimilimin e tyre.

Në mbyllje të aktivitetit fjalën e morën të ftuarit nga Shqipëria, Maqedonia e Veriut, Mali i Zi, Austria, të cilët përshëndetën e uruan pesë vjetorin e Lobit Euro-Atlantik Shqiptar, si dhe përfaqësues nga degët e Leash zotërinjtë Petrit Selmani, Adrian Hoti e Sutki Hulaj.

Programi festiv u pasurua me interpretimet muzikore të profesor Musa Ramajt, interpretim të poezive të poetit tonë kombëtar Ali Podrimja nga Festim Zaçe, ndërkohë që u paraqit edhe një fotokolazh nga aktivitetet e ndryshme të Lobit Euro-Atlantik Shqiptar të realizuar nga zj. Majlinda Rrokaj Demiraj.

Mbështetja teknike e këtij aktiviteti u realizua nga z. Fehmi Bekteshi.

Lobi Euro-Atlantik Shqiptar, në këtë përvjetor të parë të tij falenderon të gjithë kontribuesit në vite, të gjithë ata që nderuan aktivitetin me prezencën e tyre, grupin organizator të këtij aktiviteti, duke premtuar se do të vazhdojnë edhe më tej rrugën e tij me qëllim përmbushjen e objektivave kryesorë, ruajtjen e identitetit, faktorizimin e shqiptarëve në diasporë, bashkëpunimin me shoqata, organizata e institucione, shtrirjen e tij në gjithë vendet ku jetojnë e veprojnë shqiptarë.

Të fundit

Emigrantët shqiptarë në Greqi organizojnë protestë paqësore për hapjen e kufijve

Komuniteti shqiptar në Greqi ka lajmëruar se do të organizojë sot një protestë paqësore në sheshin “Sintagma” për hapjen e kufijve. Protesta është paralajmëruar të mblidhet në orën

Italia nis procedurat per pranimin e studenteve të huaj në vitin e ri shkollor 2021-2022

Ministria Italiane për Universitetine Kërkimin shkencor ka informuar e ka bërë publik nisjen e procedurave për pranimin e studentëve të huaj që duan të studiojnë apo të specializohen në Un

Çfarë thirrje ka ministrja e jashtme për diasporën

Ministrja e jashtme e Kosovës, Donika Gërvalla, në një prezantim që pati të martën për publikun gjermanishtfolës, bëri të qartë se prioriteti i kryesor i qeverisë Kurti, është luftimi i

Diaspora ia mësyn Kosovës për Fitër Bajram

Menjëherë pas lajmit nga Zyra Federale e Shëndetit Publik (BAG) në Zvicër se ka hequr Kosovën nga lista e karantinës, kanë ndryshuar planet e mërgimtarëve që jetojnë në Zvicër.

Zvicra heq Kosovën nga lista e karantinës

Zyra Federale e Shëndetit Publik (BAG) sapo ka aktualizuar listën e vendeve me rrezik. Me riaktualizimin e fundit, karantina është e detyrueshme për shumë shtete, regjione dhe bashkësi të shte

Shqiptari që po punon për Silicon Valley

Të punosh për Silicon Valley është një ëndërr. Tashmë e bërë realitet për Gerion Treska. Ai thotë se, arriti të zhvillojë një intervistë mbi një pozicion, i cili lidhej drejtpërdrejt

Info Tjera