Diaspora jonë http://mediapress.al/wp-content/uploads/2020/08/Q7LCZCL3HREL7A7JGNCLRLP56A.JPG.jpg

Zgjedhjet e 30 gushtit historike për shqiptarët në Mal të Zi



“Zgjedhjet e 30 Gushtit janë një moment historik për shqiptarët në Mal të Zi, që edhe pse të ndarë tashmë në dy lista, të mund të votojnë shqip që të sigurojnë një përfaqësim më gjithëpërfshirës dhe të denjë të shqiptarëve në parlamentin e Malit të Zi”, deklaron në një intervistë për ATSH, Mark Gjonaj, anëtar i Këshillit Bashkiak të Qytetit të New Yorkut.

Diaspora shqiptare në SHBA e mbledhur rreth Koalicionit të organizatave shqiptaro-amerikane nga Mali i Zi, kanë këmbëngulur dhe bërë thirrje që i gjithë spektri politik shqiptar të bashkohet me qëllim unifikimin dhe përfaqësimin e përbashkët në zgjedhjet e përgjithshme të 30 gushtit.

Në intervistën për ATSH, Gjonaj shprehet se edhe pse nuk u arrit që partitë shqiptare të bashkoheshin në një listë të vetme, kjo nuk e ndalon angazhimin për mbështetjen e kandidatëve shqiptarë në këto zgjedhje.

“Së bashku me përfaqësues të Koalicionit të Organizatave të Komunitetit Shqiptar në Amerikë, me origjinë nga Mali i Zi, u angazhuam për një marrëveshje në mënyrë që të gjitha partitë shqiptare të bashkoheshin në një listë të vetme për zgjedhjet e ardhshme parlamentare. Duke u nisur nga suksesi dhe rezultati pozitiv i bashkimit të subjekteve në Komunën e Malësisë-Tuz vitin e kaluar, ne kishim arsye të bindshme se të bashkuar jemi më të fortë dhe jemi në pozitë të mbrojmë më mirë interesat e shqiptarëve në Mal të Zi. Fatkeqësisht kjo nuk ndodhi, por kjo nuk na ndalon në punën dhe angazhimin tonë që të vazhdojmë të punojmë për mbështetjen e kandidatëve shqiptarë dhe elektoratit shqiptarë në këto zgjedhje”, deklaroi Gjonaj për ATSH.

Anëtari i Këshillit Bashkiak të Qytetit të New Yorkut, thekson më tej se elektorati shqiptar dhe Diaspora duhet të vlerësojnë këtë moment historik për të tashmen dhe të ardhmen, për të bashkuar të gjitha forcat dhe për të avancuar pozitën e shqiptarëve në qeverisje dhe vendimmarrje.

Mark Gjonaj i konsideron historike zgjedhjet e 30 Gushtit 2020 që do të përcaktojnë edhe ekzistencën dhe vazhdimësinë shqiptare në Mal të Zi.

Gjonaj thotë për ATSH se bashkimi, bashkërendimi dhe bashkëpunimi i faktorit politik shqiptar në një listë dhe platformë është rruga e vetme e avancimit të shqiptarëve në Mal të Zi.

“Duke qenë të vetëdijshëm për gjendjen e pafavorshme e diskriminuese politike, ekonomike dhe sociale të shqiptarëve në Mal të Zi, rrezikut nga shpërnguljet dhe asimilimi-Faktori politik, elektorati shqiptar dhe Diaspora duhet të vlerësojnë këtë moment historik për të tashmen dhe të ardhmen, për të bashkuar të gjitha forcat intelektuale, akademike dhe shoqërore brenda dhe jashtë vendit për të avancuar pozitën e shqiptarëve në qeverisje dhe vendimmarrje, në frymën e respektit dhe bashkëjetesës fetare per përmirësimin e gjendjes politike, sociale dhe ekonomike të shqiptarëve në këto treva; për avancimin tonë si popull autokton në këto troje, për të mbështetur listat shqiptare dhe për të votuar shqip”, deklaron Gjonaj për ATSH.

Ndërsa na ndajnë vetëm pak ditë nga mbajtja e këtyre zgjedhjeve, Mark Gjonaj i bën thirrje gjithë spektrit politik dhe elektoratit shqiptar që të votojnë me mençuri dhe me zemër vetëm për subjektet politike shqiptare.

“Ky është momenti që ata të përfaqësohen denjësisht andaj ju bëjmë thirrje të gjithë spektrit politik, elektoratit shqiptar, Diasporës dhe vëllezërve dhe motrave tonë në atdhe, të votojnë me mençuri, të votojnë me zemër dhe të votojnë vetëm për subjektet politike shqiptar. Një thënie e vjetër thotë “Nëse dëshiron të shkosh shpejt, shko vetëm. Nëse do të shkosh larg, shkoni së bashku”, thekson Gjonaj për ATSH.

Në intervistën për ATSH, anëtari i Këshillit Bashkiak të Qytetit të New Yorkut, kryetar i Këshillit Koordinues të Diasporës, iu përgjigj interesit edhe për ndryshimet e miratuara për Kodin Zgjedhor në Shqipëri, veçanërisht sa i përket të drejtës për të votuar nga emigrantët shqiptarë.

Gjonaj thotë për ATSH se Diaspora është në të vërtetë thesari më i madh jo vetëm i Shqipërisë, por i shqiptarëve në trojet tona etnike.

“E drejta e votës për shtetasit shqiptarë jashtë vendit, ka qenë në fokus të punës të Këshillit Koordinues të Diasporës dhe jemi krenar për përpjekjet dhe punën për të ardhur deri këtu dhe shpresoj që në zgjedhjet e 2021 të dëgjohet zëri i Diasporës si asnjëherë më parë. Procesi i integrimit të Diasporës fillon duke e parë Diasporën si partnere në të gjitha aspektet sepse më shumë shqiptarë jetojnë jashtë kufijve administrativë se brenda”, tha Gjonaj për ATSH.

Në zgjedhjet parlamentare në Mal të Zi, lista shqiptare Genc Nimanbegu – Nik Gjeloshaj, përbëhet nga Forca e Re Demokratike, Alternativa Shqiptare, Lidhja Demokratike Shqiptare, Lëvizja “Perspektiva” dhe Unioni i Tuzit me një platformë të qartë që ofron zgjedhjen më të mirë për të zgjidhur problemet e popullit shqiptar. /ATSH

Të fundit

Biznesmenët shqiptarë bashkojnë forcat në një investim

Në Kriens të kantonit Lucern në Zvicër, përmes një aktiviteti të “Degës së Zvicrës Qendrore të Rrjetit të Bizneseve Shqiptare në Zvicër” dhe të “Unionit Invest AG” u inaugurua o

Grenell kërkon votën e shqiptarëve në Michigan

Emisari i presidentit Trump për dialogun Kosovë-Serbi, Richard Grenell, ka zhvilluar një fushatë elektorale me shqiptarët republikanë në Michigan të SHBA-së. Takimi u mbajt më 20 tetor 2020,

Mama Bar – si përballet bari kult me pandeminë?

Një dhomë e errët, mobilie retro, muzikë afrikane nga altoparlantët, pas banakut baristja letoneze me sytë e qeshur – goja e hunda të mbuluara sipas etiketës pandemike) kujdeset që të

Anaida Deti, stomatologia që po hap rrjetin e saj të klinikave në Kanada

Anaida Deti është larguar nga Shqipëria në 1997.  Pasi jetoi mbi 5 vite në Itali, u zhvendos në Kanada. Studimet e saj në Stomatologji në Itali nuk iu njohën dhe iu desh të nisë gjithçka

Njihuni me shqiptarin me çifteli që po çmend yjet botërore

Jurgen Pecnikaj, 25-vjeçari me origjinë nga Tropoja është një djalë shumë i talentuar në muzikë. Jurgeni jeton në Gjermani dhe puna që bën nuk ka lidhje me muzikën, megjithatë ai e sheh

Italia miraton ligjin e ri për emigrantët shqiptarë, kush punon merr leje qëndrimi

Italia ka miratuar një draft të ri ligjor, duke u ardhur në ndihmë të gjithë emigrantëve që duan të punojnë atje, duke i lehtësuar marrjen e leje qëndrimit. Me anë të këtij ligji të ri

Info Tjera