Ekonomi http://mediapress.al/wp-content/uploads/2020/08/received_661806821208882.jpeg

Kosova ende pa ligj për rimëkjëmbje ekonomike



Qeveria e Kosovës e udhëhequr nga kryeministri Avdullah Hoti nuk po arrin kurrsesi t’i sigurojë votat e nevojshme për ta votuar Ligjin e Rimëkëmbjes Ekonomike dhe këtu nuk po gjen përkrahje as tek votat e opozitës.

Aktualisht, Kosova është nën masa shtrënguese për të parandaluar numrin e madh të rasteve me koronavirus që është më i larti që nga fillimi i pandemisë në Kosovë.

Ora policore, ndalimi i aktiviteteve ekonomike pas orës 19:00 dhe shtërngimet në gastronomi dhe aktivitete ekonomike kanë bërë që në Kosovë të ketë rënie në qarkullimin e të hollave mbi 1 miliardë euro që nga fillimi i pandemisë.

Kosova tani ka mbi 12 mijë raste aktive dhe lirimi i masave nuk është në konsideratë nga autoritetet përkatëse, por në anën tjetër nuk shihet shpresë për votimin e Ligjit të Rimëkëmbjes Ekonomike, shkruan lajmi.net.

Kryeministri i Kosovës, Avdullah Hoti ka nënshkruar marrëveshje me Bashkimin Evropian që i sjell Kosovës në arkat e saj 26,5 milionë euro për luftimin e pandemisë, por nga BE kanë bërë apel që të votohet Ligji i Rimëkëmbjes.

Këto thirrje të BE-së janë bërë gjatë ditës së djeshme kur Guvernatori i Bankës Qendrore të Republikës së Kosovës, Fehmi Mehmeti, ka pritur në takim shefin e Zyrës së BE-së/Përfaqësuesin e Posaçëm të BE-së, Tomáš Szunyog

Në këtë takim, dy palët shprehën nevojën urgjente për aprovimin e Ligjit për Rimëkëmbje Ekonomike.

Mehmeti e Szunyog, kërkojnë aprovimin e Ligjit për Rimëkëmbje Ekonomike

Thirrje për votimin e Ligjit të Rimëkëmbjes ka bërë edhe ambasadori i Gjermanisë në Kosovë, Jorn Rohde ku i ka bërë thirrje qeverisë t’i sigurojë votat për këtë.

“Lajme te mira! BE-ja vazhdojnë të bëjnë atë që e premtojnë duke mbështetur partnerin tonë të besuar, Kosovën, me kontribute të konsiderueshme financiare në luftën kundër pandemisë. Do të ishte gjithashtu mirë nëse Qeveria së shpejti do të mblidhte shumicën për të miratuar më në fund Ligjin e Rimëkëmbjes Ekonomike”, ka shkruar ambasadori Rohde.

Edhe ambasadori i Gjermanisë bën thirrje të votohet Ligji i Rimëkëmbjes Ekonomike

Odat Ekonomike të Kosovës kanë shprehur shqetësime të thella lidhur me mos-votimin e Ligjit të Rimëkëmbjes Ekonomike që do t’i ndihmonte bizneset dhe disa do t’i shpëtonte nga falimentimi.

Vendimit për masat e reja në Kosovë i ka reaguar para 2 javësh edhe Oda Amerikane e Kosovës ku kanë shprehur shqetësimet e tyre lidhur me mbijetesën e sektorit privat.

E nga Oda Ekonomike e Kosovës, kreu i kësaj ode tha se çdo masë izoluese në Kosovë pa masa të Rimëkëmbjes do të ishte fatale për bizneset dhe ekonominë dhe do të rezultonte me shuarjen e shumë bizneseve, shkruan lajmi.net.

Lidhur me masat shtrënguese në Kosovë kanë reaguar shoqatat e bizneseve private të cilat kanë paralajmëruar protesta në rast se shtrëngohen masat dhe qeveria nuk e ndihmon këtë sektor.

Aktualisht, në Kosovë flitet se mund të ketë shtrëngim të masave, por në anën tjetër qeveria po e ka të pamundur t’i bëjë bashkë votat e nevojshme për votimin e Ligjit të Rimëkëmbjes.

Mbetet të shihet në vazhdim se cili do të jetë epilogu i rritjes së rasteve me koronavirus dhe krizës së madhe ekonomike që e ka kapluar Kosovën.

Vendet e rajonit dhe të Evropës kanë proceduar me hapat e tretë dhe të katërt të Rimëkëmbjes, ndërsa aktualisht në Kosovë ende nuk është votuar hapi i parë.

Të fundit

Paris – Berlin vetëm një orë me tren

Hyperloop është ajo që ju merrni kur merrni një tren në fushë magnetike dhe e vendosni atë në një tub pa ajër. Mungesa e rezistencës lejon që treni, në teori, të arrijë shpejtësi të p

Sekretet e Messenger-it që nuk i njihnit deri më sot

Messenger tani është një nga platformat më të njohura të bisedave së bashku me Viber dhe WhatsApp. Ajo që shumë nuk e dinë, është se mund t’ju ofrojë shumë më tepër shërbime të fsh

Vetëm 5 ditë deri në “pranimin e rregullave të reja të WhatsApp”

Ndoshta do të ishte pak nëse do të thoshim se WhatsApp nuk e kishte një fillim të mirë për 2021. Kjo pasi që, siç shkruajnë mediat e huaja, përcjell Telegrafi, një numër i madh i përdoru

Për 8 vjet KEDS thotë se investoi mbi 170 milionë euro

KEDS shënon sot 8 vjetorin e operimit, ndërsa thekson se përgjatë këtyre viteve, kompania ka investuar fuqishëm në rrjet gjithandej vendit. Sipas KEDS-it, mbi 170 milionë euro është vlera e

Mbetjet e raketës kineze bien në Oqeanin Indian

Mbetjet e raketës më të madhe të Kinës kanë rënë në Oqeanin Indian të dielën. Shumica e përbërësve të saj janë shkatërruar me ri-hyrjen në atmosferë, kështu duke iu dhënë fund sp

Rritet qarkullimi i bizneseve, ka trend pozitiv në mbledhjen e tatimeve

Këtë vit Administrata Tatimore e Kosovës (ATK) ka tejkaluar planifikimin e të hyrave nga tatimet, por edhe qarkullimi i bizneseve sivjet është më i lartë krahasuar me vitin e kaluar që pati r

Info Tjera