Ekonomi http://mediapress.al/wp-content/uploads/2020/06/MF_02-scaled.jpg

Ministrja Bajrami u takua me koordinatoren për Zhvillim të OKB-së në Kosovë, Ulrika Richardson



Ministrja e Financave Hykmete Bajrami priti sot në takim koordinatoren për zhvillim të OKB-së në Kosovë, Ulrika Richardson.

Në takim u diskutua për intensifikimin e bashkëpunimit ndërmjet Kosovës dhe agjencive të specializuara të OKB-së që funksionojnë në Kosovë në të mirë të procesit të rimëkëmbjes ekonomike, rritjes së transparencës buxhetore, buxhetimit të përgjegjshëm gjinor dhe temave tjera të interesit të përbashkët.

Ministrja Bajrami e njoftoi znj. Richardson me punën e Ministrisë së Financave në menaxhimin e financave publike dhe masave për rimëkëmbje ekonomike.

Ajo e falënderoi znj. Richardson për ndihmën që OKB ka dhënë dhe po jep për Kosovën në fushën e ekonomisë dhe të demokratizimit të institucioneve.

Ndërsa, koordinatorja për zhvillim të OKB-së në Kosovë, Ulrika Richardson, e uroi Ministren Bajrami për detyrën e re dhe theksoi se misioni i OKB-së, do të vazhdojë t’i ofrojë edhe më tej përkrahje Kosovës, nëpërmjet programeve të ndryshme zhvillimore.