Ekonomi http://mediapress.al/wp-content/uploads/2021/04/Screenshot_8-11-770x432-1.jpg

Nisin fluturimet nga aeroporti i Kukësit



Aeroporti më i ri i Shqipërisë, ‘Zayed, Flatrat e Veriut’ në Kukës ka pritur avionin e parë.

Nga Londra kanë ardhur një grup emigrantësh që më pas u ulën në Rinas, ku iu bashkua dhe kryeministri Edi Rama për të udhëtuar drejt Kukësit.

Kryeministri i Shqipërisë, Edi Rama ka sqaruar fluturimin e sotëm me ‘’Air Albania’’ me emigrantët e Londrës, dhe uljen në Rinas për të fluturuar më pas në Kukës.

Rama thotë se çdo aeroport operacion fillimisht nis si lokal, dhe më pas duhet një procedurë verifikimi për t’u bërë ndërkombëtar që zgjat 50-60 ditë.

Ai thotë se ka një intersim të lartë të kompanive për të patur fluturime nga aeroporti i ri në Kukës.

‘’Fluturuam nga Tirana në Kukës, sepse sipas rregullave çdo aeroport operacional nis si lokal, dhe ka procedurë për t’u bërë ndërkombëtar që zgjat 50-60 ditë. Pasi bëhet certifikimi, këto javë do bëhet marrëveshjet, ka interes të madh. Do i japë mundësi gjithë kësaj zone, jo vetëm të Shqipërisë, atëhere menjëherë do fillojë një lëvizje që do shkojë duke u rritur.

Shumë njerëz thonë çna duhen aeroportet, për ata që bëjnë xhiro, kanë lekë. Shqiptarët janë ndër popujt më të lëvizshëm për hyrje-dalje, për frymë. Jo vetëm kaq, ata që flasin për aeroportet si për luks, aeroportet janë fabrika buke, siç nuk i imagjinojnë ata që.

Ka ca të tjerë ç’i duhen Shqipërisë 4 aeroporte. Kroacia është 4 milion, ka 9. Kroacia është fuqia e 7 e botës në turizëm.

Ka 9 porta nga qielli, shfrytëzon gjithë territorin e vet. Ju plotëson një kusht të rëndësishëm, atyre turistëve të cilët kur vijnë nga ajri, shpenzojnë më shumë edhe kur vijnë në tokë. Të ndalojnë në një pikë jo më të largët se 40-45 minuta nga aeroporti.

Nga ana tjetër ajo që ndodh, rritja eksponenciale e atyre që hyjnë përmes shumë portave, kërkon një rritje të atyre që i presin. Të numrit të atyre që punojnë në këtë sektor të mikpritjes që quhet turizëm.’’- tha Rama.

”Po ashtu i pranishëm në këtë eveniment ishte dhe Presidenti i EMAAR Group, Muhammed El Alabbar i cili do të investojë në portin e Durrësit 2 milion euro. Rama e përshëndeti biznesmenin duke e konsideruar mik të çmuar të Shqipërisë, teksa shtoi se brenda qershorit nis kantieri në Durrës ndërkohë që premton hapjen e 12 mijë vendeve të reja pune.

Nga ana tjetër kam kënaqësinë e madhe të jem me një mik të çmuar, me plot gojë e them që është i imi dhe Shqipërisë, një prej njeëzve më të afërt me Princin e Kurorës, si të thuash, është këtu me këmbët e tij. Me të do të bëjmë portin e Durrësit, që do jetë më i madhi i Mesdheut. Nuk është dëshirë apo ide, është plan ndërtimi. Do të nisë në pak muajt e ardhshëm. Brenda qershorit do jemi në kantier, e pastaj investimi vijon, janë 2 miliardë euro.

S’është vetëm Durrësi, i Vlorës, ai i Saradës, dhe ai i Shëngjinit që nis më 2023.

I kemi thënë edhe ata të Amerikës që do i sjellim me Fan Nolin në Tiranë, do e bëjmë. Janë 8 porta. 4 porta nga qielli, 4 porta me portet. E kuptoni çfarë Shqipërie do kemi në 4-5-6 vitet e ardhshme. Çfarë transformimi ësthë përgatitur, çfarë ekonomie do të kemi. Një ekonomi shumë më gjithpërfshirëse, siç thotë Muhamed Alabar, vende pune cilësore. Vetëm në portin e Durrësit janë 12 mijë vende pune nga fillimi deri proceset e menaxhimit. Edhe të tjerat, është paketë 10 miliardë euro për të investuar në Shqipëri në 4-5-6 vitet e ardhshme, pse e them, sepse jo gjithmonë investimet shkojnë sipas kalendarit. Prandaj miqtë e mi, ne patëm një periudhë të tmerrshme.”- tha Rama.

Edi Rama ka shpjeguar edhe pse aeroporti mban emrin “Zayed – Flatrat e Veriut”, duke kujtuar faktin se në Kukës qëndruan shqiptarët e dëbuar nga regjimi kriminal serb i kohës.

“Ky aeroport quhet Zajed – Flatrat e veriut, sepse është ndër të tjera edhe vend kujtese. Është tempull i kujtesës të kësaj zone. Në këtë zonë u ngrit edhe kampi i madh i atyre që u shpërngulën me dhunë dhe ishin viktima të spastrimit etnik. Muhamed Zajed është i birri i një burri të urtë që ka njohur kjo botë, që arriti t’ju pajë jetë Emirateve të Bashkuara Arabe. Sheikët erdhën këtu dhe u kujdesën për refugjatët e luftës. Babai i Zajed kishte dhënë urdhër që të hapej pista.

Gjurma e aeroportit është nga ajo kohë, kur ndodhte pastrim etnik. Babai i Zajed e merrte në telefon të birin dhe i thoshte që të shpërndajë ndihma dhe të mos kishte dallime për arsye fetare. Aeroporti është edhe “Flatrat e veriut”, sepse këtu në Kukës është veriu i Shqipërisë, por andej nga erdhën vëllezërit e motrat tanë është veriu i shqiptarisë. Andej kishte zhvillime të mëdha , që përfundoi me pavarësinë e Kosovës. Këtu u shkrua një faqe e shenjtë e historisë shqiptare”, u shpreh Rama.

Të fundit

Disa truke që do t’iu ndihmojnë të harxhoni më pak energji elektrike

Askush nuk do të harxhojë para të tepërta për energjinë elektrike. E vërteta është që thuajse të gjitha paisjet, edhe kur nuk janë në punë, por vazhdojnë të jenë në prizë, harxhojn

Vjen në Kosovë laboratori i njohur hungarez

Laboratori i njohur ndërkombëtar Neumann Labs ka nisur operimin në Kosovë. Me këtë rast, drejtori i “IPL Neumann Labs” në Kosovë, Musa Ahmeti ka thënë se realizimi i këtij investimi vje

ATK tejkalon planin e të hyrave janar-maj 2021 për 23.9 milion euro

Vazhdon trendi i rritjes së të hyrave nga Administrata Tatimore e Kosovës, ku nga muaji janar deri në maj 2021 është arritur që të inkasohen 23.9 milion euro me shumë së plani i paraparë, n

Në këtë vend i jepet fund përdorimit të teknologjisë 3G

Gjermania i jep fund telefonisë mobile 3G, e njohur gjithashtu si UMTS. “Telefonica O2” ka njoftuar se në korrik do të fillojë fikjen e rrjetit të saj 3G në rajonet e para, që do të përfu

Firefox me ridizajnimin më të madh të bërë deri më tani

Ashtu siç ishte paralajmëruar disa muaj më parë, ridizajnimi masiv i shfletuesit Firefox ka mbërritur tashmë. Mozilla thotë se dizajni i ri redukton shpërqendrimet, klikimet shtesë apo koha e

Samsungu nis prodhimin e modeleve të reja të palosshme

Telefonat e rinj të palosshëm nga Samsungu – Galaxy Z Flip 3 dhe Galaxy Z Fold 3 – pritet të lansohen në muajin gusht të këtij viti. Kompania tashmë raportohet se ka nisur prodhimin në mas

Info Tjera