Ekonomi http://mediapress.al/wp-content/uploads/2021/01/telekomi-600x360-3.jpg

Telekomit të premten i skadon afati për pagesën e borxhit ndaj Z-Mobile



Të premten është afati i fundit i pagesës së këstit të parë të borxhit që Telekomi i obligohet kompanisë Z-Mobile. Zyrtarët e Telekomit kanë thënë se ndërmarrja e ka të vështirë të paguajë shumën prej 722 mijë eurosh sipas marrëveshjes së arritur në dhjetor të vitit të kaluar.

Nëse nuk ekzekutohet pagesa llogaritë e Telekomit mund të bllokohen sërish. Për pasojë do të dështonte marrëveshja e arritur në mes palëve dhe rasti do t’i nënshtrohej procedurës së përmbarimit, përkatësisht tërheqjes automatike të mjeteve nga llogaria e ndërmarrjes.

Drejtor i Departamentit për marrëdhënie me publikun në këtë Telekom, Menduh Abazi, ka thënë se obligimet dhe borxhet e shumta e kanë sjellë në situatë që nuk dihet nëse mund ta paguajnë këstin e parë.

“Nëse nuk bëhet shlyerja e këtij kësti, atëherë automatikisht janë të bllokuara llogaritë, dhe bllokimi i llogarive do të jetë fatale për Telekomin. Pasi që kjo do të nënkuptonte që marrëveshja nuk është respektuar dhe bllokimi i llogarive tani në këtë kohë para fushatës dhe Qeveria është në shkuarje, nuk e ka mundësinë që dikush të merret me këtë çështje”, ka thënë Abazi.

Ai ka thënë se Telekomi, duke dashur që t’i qëndrojë besnik marrëveshjes për të shlyer obligimin që rrjedhin nga marrëveshja e fundit e ndërmjetësuar nga Qeveria, nuk kanë ekzekutuar as pagat e punëtorëve me qëllim që të mund të paguajnë këtë këst të marrëveshjes.

“Ne në bazë të kërkesave që kemi marrë nga Qeveria kemi dërguar qindra dokumente dhe kemi dërguar edhe projektet kapitale që parashohim rimëkëmbjen e Telekomit. Së fundmi ka pasur një marrëveshje të nënshkruar më 15 dhjetor të vitit të kaluar që do të subvenciononte Qeveria, dhe kjo jogatishmëri e Qeverisë na ka sjellë në një situatë të rëndë dhe që rrezikon në tërësi funksionimin e Kosovës”, ka theksuar Abazi.

Marrëveshja e arritur në mesin e dhjetorit të vitit të kaluar mes Z-Mobile dhe Telekomit parashihej që borxhi prej mbi 17 milionë eurosh të paguhej në afat prej 24 muajve. Por Ministria e Ekonomisë dhe Ambientit, si garantuese e marrëveshjes, kishte nënshkruar memorandumin për subvencionim të projekteve kapitale dhe shpenzimeve operative të ndërmarrjes.

Sipas Menduh Abazit, Telekomi që nga paslufta i ka dhënë Qeverisë 780 milionë euro devidentë dhe se ajo që po kërkojnë nga Qeveria është një ndihmë shumë më e vogël në krahasim me atë që i kanë dhënë.

Blerim Kuçi, si nënshkrues i memorandumit mes Ministrisë dhe Telekomit, në të cilin parashihet edhe subvencionimi, dy ditë më parë ka dhënë dorëheqje nga pozita e ministrit të Ekonomisë dhe Ambientit.

E nga kjo Ministri nuk janë përgjigjur gjatë së enjtes në pyetjet se a do të subvencionohet ndërmarrja.

Derisa Ministria nuk i ka kthyer përgjigje as Telekomit, punëtorët e kësaj ndërmarrje ende nuk kanë marrë pagat e muajit dhjetor.

Telekomit i ishin bllokuar llogaritë më 26 tetor shkaku i borxhit ndaj Z-Mobile. Gjatë diskutimeve ishte zbritur shuma e borxhit, kjo edhe shkaku i disa obligimeve që kishte pasur edhe Z-Mobile ndaj Telekomit, duke e zbritur shumën në 17.2 milionë euro.

Të fundit

Disa truke që do t’iu ndihmojnë të harxhoni më pak energji elektrike

Askush nuk do të harxhojë para të tepërta për energjinë elektrike. E vërteta është që thuajse të gjitha paisjet, edhe kur nuk janë në punë, por vazhdojnë të jenë në prizë, harxhojn

Vjen në Kosovë laboratori i njohur hungarez

Laboratori i njohur ndërkombëtar Neumann Labs ka nisur operimin në Kosovë. Me këtë rast, drejtori i “IPL Neumann Labs” në Kosovë, Musa Ahmeti ka thënë se realizimi i këtij investimi vje

ATK tejkalon planin e të hyrave janar-maj 2021 për 23.9 milion euro

Vazhdon trendi i rritjes së të hyrave nga Administrata Tatimore e Kosovës, ku nga muaji janar deri në maj 2021 është arritur që të inkasohen 23.9 milion euro me shumë së plani i paraparë, n

Në këtë vend i jepet fund përdorimit të teknologjisë 3G

Gjermania i jep fund telefonisë mobile 3G, e njohur gjithashtu si UMTS. “Telefonica O2” ka njoftuar se në korrik do të fillojë fikjen e rrjetit të saj 3G në rajonet e para, që do të përfu

Firefox me ridizajnimin më të madh të bërë deri më tani

Ashtu siç ishte paralajmëruar disa muaj më parë, ridizajnimi masiv i shfletuesit Firefox ka mbërritur tashmë. Mozilla thotë se dizajni i ri redukton shpërqendrimet, klikimet shtesë apo koha e

Samsungu nis prodhimin e modeleve të reja të palosshme

Telefonat e rinj të palosshëm nga Samsungu – Galaxy Z Flip 3 dhe Galaxy Z Fold 3 – pritet të lansohen në muajin gusht të këtij viti. Kompania tashmë raportohet se ka nisur prodhimin në mas

Info Tjera