Kuriozitete http://mediapress.al/wp-content/uploads/2020/10/e0c2f289-d0ba-41c0-8d16-9e89cdb4e7e1-780x439-1.jpg

Kush është Kristen Welker, moderatorja që fitoi zemrën e publikut në debatin Trump-Biden



Kristen Welker ka qenë një fytyrë e njohur për miliona amerikanë si korrespondente e NBC News për Shtëpinë e Bardhë dhe bashkë-spikere e “Weekend Today”, por zgjedhja e saj si moderatore e debatit përfundimtar presidencial të enjten, midis presidentit Donald Trump dhe kandidatit demokrat Joe Biden, i dha asaj një nga rolet më të spikatur të fushatës 2020

Welker është gruaja e dytë me ngjyrë që moderon një debat presidencial solo. E para ishte gazetarja e ABC News, Carole Simpson në garën e vitit 1992 midis Presidentit George H.W. Bush dhe Bill Clinton.

Welker zgjodhi gjashtë tema për të diskutuar me presidentin dhe ish-nënkryetarin, që përfshijnë koronavirusin, racën, ndryshimin e klimës, sigurinë kombëtare, familjet amerikane dhe udhëheqjen.

Kristen Welker është pëlqyer dhe komentuar pozitivisht për performancën e saj gjatë debatiti Trump-Biden.

Por kush është ajo?

U përfshi në gazetari herët

Welker, 44 vjeç, është nga Filadelfia dhe është diplomuar në Germantown Friends School. Ndërsa ishte në shkollë të mesme, ajo shkroi për gazetën e shkollës. Në një intervistë të vitit 2010 me revistën Philadelphia, ajo tha se kishte kohë që aspironte të bëhej gazetare.

Ka pasur një karrierë të gjerë në NBC News

Edhe para se të diplomohej në Harvard në 1998-ën, Welker ishte praktikuar te “Today”. Nga 2005-a deri në 2010-ën, ajo punoi si reportere në WCAU, filiali i NBC në Filadelfia dhe në 2010-ën ajo u bashkua me NBC News si korrespondente e rrjetit.

Ajo filloi të mbulonte Shtëpinë e Bardhë në dhjetor të vitit 2011, duke udhëtuar gjerësisht me ish-presidentin Barack Obama, ish-zonjën e parë, Michelle Obama dhe Biden.

Në vitin 2016, Welker mbuloi fushatën presidenciale të ish-Sekretares së Shtetit Hillary Clinton. Në janar të 2020-ës, ajo u bë një bashkë-moderatore e “Weekend Today” me mikun e ngushtë dhe korrespodentin e Shtëpisë së Bardhë, Peter Alexander.

“Kjo është diçka për të cilën kam ëndërruar, për të cilën kam punuar kaq shumë”, tha Welker në emision.

Ajo ka përvojë në moderimin e një debati presidencial

Në nëntor të 2019-ës, Welker bashkë-moderoi një debat presidencial primar demokrat së bashku me moderatorin e MSNBC, Rachel Maddow, gazetarin e NBC News, Andrea Mitchell dhe reporterin e Washington Post të Shtëpisë së Bardhë, Ashley Parker.

Gjatë debatit, Welker i bëri pyetje Biden-it, senatores Kamala Harris të Kalifornisë dhe senatores Elizabeth Warren të Massachusetts, ndër të tjera, mbi çështje që variojnë nga kujdesi shëndetësor te politikat e strehimit.

Të fundit

Emigranti ofron 1 muaj ushqim falas për ata që nuk kanë mundësi

Në Tivoli-Itali është një restorant “Taverna e Draculas” që sikurse shkruhet është bërë ”Caritas” për 1 muaj për ata që kanë nevojë për ushqim dhe që janë në vështirësi. T

Si do ta festojë babagjyshi vitin e ri këtë vit?

Derisa po afron sezoni festiv, gjithçka është e paqartë se çfarë do të ndodhë për Krishtlindjet dhe Vitin e Ri. Në kushtet e pandemisë, theksi vihet tek zbatimi i rregullave, ndaj këtë he

Pse i mbeti emri ‘Guri i Plakës’

Guri i Plakës është një legjendë, tregim nga goja e popullit që kanë lënë gjurmë në  jetën e një shoqërie njerëzor. Guri është çarë mespërmes nga një kompani franceze në vit

Shtëpia e çuditshme që kushton 2.5 milion €

Kjo është shtëpia “Flintstones” në Kaliforni, me një vlerë marramendëse prej 2.5 milion euro. Ajo u krijua nga një arkitekt në SHBA, duke tërhequr vëmendjen e të gjithëve. E ngjashme

Dekada tjetër mund të jetë edhe më e keqe për botën, thotë hisotoriani i njohur

Viti 2020 ka qenë i mirë për Peter Turkin, për shumë arsye për të cilat ka qenë ferr për ne të tjerët. Qytetet në trazira dhe flakë, udhëheqësit e zgjedhur që mbështesin dhunën, vras

Shfaqja e magjishme që do të ndodhë në mes të muajit nëntor

Në mes të nëntorit, shiu i paqëndrueshëm i meteorit Leonid godet përsëri Tokën. Ky shi vjetor meteorësh, i cili arrin kulmin gjatë natës në 16-17 nëntor, është përgjegjës për disa ng

Info Tjera