Shëndeti http://mediapress.al/wp-content/uploads/2021/01/pagjumesi-750x500-1.jpg

Çfarë duhet të hash nëse ke probleme me gjumin



Nëse çdo natë përpiqesh në shtrat e kthehesh sa majtas-djathtas, ke dëgjuar edhe shumë këshilla për një gjumë më të mirë si të shmangësh kafen, të fikësh televizorin, kompjuterin, të mbash dhomën të errët etj.

Por një studim i ri nga Akademia Amerikane e Mjekësisë, i publikuar në “Clinical Sleep Medicine”, jep disa këshilla për atë që duhet të hash para se të bësh një gjumë të qetë dhe të shëndetshëm.

Sipas studimit, ushqimet e pasura me fibra dhe me yndyrë të ulët lidhen drejtpërdrejt me cilësinë e mirë të gjumit.

Studimi, i udhëhequr nga profesorët e “University Medical Center” në Kolumbi, ka marrë rastin e 26 të rriturve, duke studiuar mënyrën se si flinin dhe çfarë hanin para se të flinin.

Në një kohë kur ata janë ndjekur gjatë 9 orëve të natës, ka rezultuar se flinin mesatarisht shtatë orë e gjysmë në natë.

Për tri ditë, studiuesit kontrolluan edhe dietat e tyre dhe po kështu edhe gjumin gjatë këtyre netëve.

Pas kësaj, pjesëmarrësit në studim u lejuan t’i zgjedhin vetë ushqimet për një ditë.

Pasi studiuan gjumin e tyre edhe gjatë asaj nate, studiuesit arritën në një konkluzion: kur një nutricionist u jepte pjesëmarrësve ushqime të shëndetshme, të pasura me proteina dhe me nivele shumë të ulëta në yndyra, ata mund t’i zinte gjumi për jo më shumë se 17 minuta.

Ndërsa, kur pjesëmarrësit në studim e zgjodhën vetë ushqimin, koha derisa t’i zinte gjumi shkonte deri në 30 minuta, pra gati dy herë më gjatë.

Ushqimet me përmbajtje sheqeri, me fibra të ulëta dhe me shumë yndyrë ndikojnë në mbajtjen zgjuar.

Duke pasur parasysh se ushqimi i pjesëmarrësve u kontrollua për tri ditë dhe në të katërtën ata ishin “free” në zgjedhjen e ushqimeve, tregon re se edhe një ditë e vetme ndikon në cilësinë e gjumit.

“Ky studim thekson faktin se dieta dhe gjumi krijojnë bashkërisht strukturën e një jete të shëndetshme”, thotë Presidenti i “Akademisë Amerikane të Mjekësisë”, Dr. Nathaniel Watson.

“Për shëndetin optimal është e rëndësishme të bësh ato zgjedhje të mënyrës së jetesës, të cilat promovojnë gjumë të shëndetshëm, të tilla si dietat e shëndetshme dhe ushtrimet e rregullta.”

Të fundit

Zbuloni çfarë tregon forma e trupit për shëndetin e zemrës

Një studim i publikuar së fundmi në Revistën Evropiane për zemrën, thotë se forma e trupit e njeriut është sinjalizuesi më i mirë i sëmundjeve të zemrës. Në krahasim me indeksin e masë

Qumështi apo kosi, cili është më i mirë për mëngjes?

Produktet e bulmetit janë një pjesë e rëndësishme e çdo regjimi të shëndetshëm ushqimor. Megjithatë, në disa aspekte, përzgjedhja e llojit të duhur të produkteve të bulmetit bën një n

Balsami i mrekullueshëm për shëndetin dhe gjithë organizmin

Vetitë kuruese të lules së basanit, një bimë barishtore që në gjendje natyrale rritet kudo, janë të njohura në mbarë botën. Përdorimi i gjerë i kësaj bime në mjekësinë popullore apo

Mjekët e konsiderojnë minierë të vërtetë vlerash ushqyese

Shpeshherë janë quajtur edhe “Pema e paqes” për shkak të mbijetesës së bombës në Nagasaki, Molla e Lindjes, Pema e 7 Virtyteve apo Ushqimi i Perëndive etj, me pak fjalë hurma është fru

Përfitimet shëndetësore të çajit jeshil me limon

Çaji jeshil me lëng limoni është një pije qetësuese që mund ta shijoni në çdo kohë të ditës. Ky lëng është gjithashtu shumë ushqyes dhe hulumtimet kanë zbuluar se shoqërohet me një

Sa më shumë net pa gjumë, aq kujtesë të dobët do të keni

Gjumi nuk është një gjendje e pavetëdijshme, por më tepër se aq, një gjendje prehjeje mendore dhe trupore. Një zbulim i publikuar disa ditë më parë zbulon se mjafton një natë pa gjumë p

Info Tjera