Shëndeti http://mediapress.al/wp-content/uploads/2021/02/buk.jpg

Cilën bukë duhet të hani



Çdo zgjedhje që një konsumator bën ka një ndikim të menjëhershëm në trupin e tij.

Ndaj përpara se të kërkosh bukën, duhet të zgjedhësh atë që ta zgjat jetën dhe jo atë që ta shkurton.

Buka e Bardhë e Grurit
Buka e bardhë, është ndoshta buka më e konsumuar në treg.

Por ajo që duhet të dini është që kjo bukë është një kallup i madh sheqeri.

Ngrënia e kësaj buke do t’i rrisë ndjeshëm nivelet e sheqerit në gjak duke shtuar rrezikun për atak në zemër, mëlçi të veshur me yndyrna, obezitet dhe diabet.

Studiuesit kanë provuar se buka e bardhë mund të përshpejtojë formimin e rrudhave në fytyrë dhe tharjen e lëkurës.

Buka e bardhë prodhohet me miell të bardhë të përpunuar.

Përpunimi i miellit do të thotë që atij i janë hequr proteinat dhe Vitaminën B për të krijuar një produkt që është më i ëmbël dhe lehtësisht i përtypshëm nga konsumatori.

Sado të përpiqesh t’i qëndrosh larg sheqerit duhet të dini që sheqeri përdoret me majanë industriale në përgatitjen e bukës.

Nëse jeni konfuzë në përzgjedhjen e bukës me drithëra të plotë, mundohuni të gjeni të dhëna mbi sasinë në gram të drithërave të papërnuar të përdorur.

Nëse secila prej tyre ka pak gramë për secilin lloj drithi të papërpunuar, atëherë me siguri po blini një bukë të thjeshtë me miell të zakonshëm gruri, të ashtuquajturën bukë masive.

Buka Më e Mirë
Buka integrale? Bukë pa gluten, Bukë me elb, Bukë me thekër? Cila prej tyre është më e mira për shëndetin tuaj?

Buka integrale nuk irriton zorrët dhe e mbush më shpejt stomakun duke dhënë ndjesinë e ngopjes.

Në përbërjen e saj nuk ka vetëm vlera ushqyese dhe energjike, por ka shije, është e pazëvendësueshme, i përket tokës, grurit që është simbol i jetës dhe rilindjes.

Buka integrale sidomos ajo e bërë me brumë të ardhur nga maja’ natyrale është më e mira për njerëzit që kujdesen për shëndetin.

Duke mos përmbajtur shumë niseshte ka më pak kalori sesa buka e bardhë dhe e jep më shpejt ndjesinë e ngopjes.

Zgjidhja më e mirë për çdo konsumator është buka integrale, ajo e bërë me 100 përqind drithëra të plotë.

Megjithatë, nëse në paketim shkruhet “grurë”, “kaq sasi gruri të plotë” apo “shumëdrithësh”, atëherë me siguri po bleni thjesht një bukë të bardhë, paksa të ngjyrosur.

Drithërat e papërpunuara, pra drithërat e plota, e përmbajnë natyrale vitaminën B si edhe proteinat. Këto garantojnë një paraqitje shumë më rinore të lëkurës por edhe të flokëve.

Buka me shumë drithëra
Ajo që duhet të dini është se buka shumëdrithëshe dallon nga buka me 100% drithëra të plota, për faktin e vetëm që në pregatitjen e saj janë përdorur disa lloj drithërash, por jo drithëra të plota, pra të papërpunuar.

Drithërat e përdorur janë të zhveshur nga fibra dhe përbërësit natyralë. Në shumicën e rasteve kjo bukë përmban miell gruri dhe miell elbi.

Ndërkohë buka integrale përmban fibrën e jashtme të grurit (krunde).

Thelbin lëndë ushqyese të pasur (embrionin) dhe shtresen e mesme të dendur në karbohidrate.

Francezët i thonë bukës ‘lamtumirë’
Franca njihet si vendlindja e “bagetës” asaj bukës gjatoshe aq të shijshme sa mund ta hash thatë.

Por shitjet e bukës në Francë kanë pësuar një rënie të madhe.

Nëse në vitin 1970, një francez konsumonte një bagetë të tërë, tani ai konsumon gjysmën. Ekspertët thonë që tani njerëzit janë shumë të zënë për të shkuar në furrën e bukës.

Disa të tjerë nuk e marrin mundimin as të hanë mëngjes.

Por shqiptarët nuk janë si francezët. Shqiptarët e kanë bukën po aq të domosdoshme sa ajri dhe uji.

Për ta, buka është jeta, djersa e ballit, e shkuara, e tashmja dhe e ardhmja.

E rëndësishme është që në larmishmërinë e zgjedhjeve të bukës, të dish të zgjedhësh bukën që e bën trupin të lumtur.

Të fundit

10 këshilla efektive për tu ngritur herët në mëngjes

Disa njerëz e kanë tepër të vështirë të çohen herët në mëngjes, sidomos ata që pëlqejnë të qëndrojnë zgjuar deri vonë në fundjavat e tyre dembele. Disa thonë se është e pamundur

Njihuni me arsyet pse ju bien flokët

Flokët u bien të gjithëve, nuk është çudi. Në disa raste, rënia e flokut i atribuohet ndryshimet të stinëve, e në disa të tjera mungesës së vitaminave. Megjithatë, në këtë artikull d

Përfitimet shëndetësore nga Ramazani

Agjërimi sjell shumë dobi për trupin e njeriut. Agjërimi është një vepër që ka shumë dobi si nga ana shpirtërore ashtu edhe nga ana shëndetësore. Në këtë shkrim do të përpiqemi të p

Pse konsumimi i të njëjtit mëngjes çdo ditë mund të jetë gjëja më e mirë për shëndetin tuaj

“Një mollë në ditë e mban mjekun larg“, thonë doktorët. Por, çfarë ndodh me një pjatë vezë ose një filxhan kos si mëngjesi juaj çdo ditë? Edhe pse i njëjti mëgjes mund të duket i

Xhelozia toksike dhe e keqe

Në doza shumë të vogla, xhelozia mund të jetë e shëndetshme për një marrëdhënie. Ajo mund të të motivojë të jesh një partner më i mirë dhe të jesh detektor për disa marrëdhënie

Para se të nisni plazhin, zhdukni celulitin me këto 2 receta

Celuliti shfaqet nën lëkurë si pasojë e kontraktimit të indeve lidhëse të muskujve. Celuliti është një nga problemet më shqetësuese tek femrat. Ai nuk është i lidhur gjithmonë me peshë

Info Tjera