Shëndeti http://mediapress.al/wp-content/uploads/2020/11/spital.jpg

Sfidat komplekse që i presin pacientët e shëruar nga Covid-19



Momenti i daljes nga spitali i pacientëve që ishin prekur nga një formë e rëndë e Covid-19, pritet me gëzim dhe lehtësim.

Por rikthimi më në fund në shtëpi, nuk përfaqëson për të gjithë rifillimin e një jete që është“fushë me lule”.

Shpesh duhen muaj të tërë për një shërim të plotë fizik, dhe përvoja me këtë sëmundje, mund të lërë gjurmë në shëndetin mendor, punën dhe statusin financiar.

Një studim i Universitetit të Miçiganit, i botuar në “Annals of Internal Medicine”,ka në qendër të vëmendjes pikërisht “trashëgiminë”e përhapur, por shpesh të neglizhuar që lë pas Covid-19.

Një përvojë testuese

Studiuesit analizuan të dhënat për 1.250 pacientë me Covid që kishin dalë nga 38 spitale të ndryshme në Miçigan midis pranverës dhe verës së këtij vitit, gjatë fazës së parë të pandemisë.

Fatmirësisht, gjatë muajve të fundit, mbijetesa e pacientëve me Covid-19 në spitale është përmirësuar, falë kujdesit spitalor në kohë dhe më të saktë.

Në 60 ditët pas kthimit në shtëpi, gati 7 për qind e pacientëve të monitoruar në studim vdiqën.

Tek ata që kishin qenë shtruar në repartet e kujdesit intensiv, shkalla e vdekshmërisë në këtë periudhë ishte 10 për qind.

Ende të dobët fizikisht

Ekipi arriti të kontaktojë me telefon 488 të shëruar nga infeksionit, që iu përgjigjën një interviste telefonike fokusuar mbi gjendjen e tyre shëndetësore2 muaj pasi ishin kthyen në shtëpi.

Problemet që u zbuluan sugjerojnë se ndikimi i Covodi-19 shtrihet përtej spitalit dhe shumë përtej shëndetit, thotë Vinet Çopra, autori i parë i studimit.

Më shumë se 39 për qind e pacientëve të intervistuar, nuk i ishin rikthyer ende jetë së tyre të mëparshme.

12 për qind e tyre thanë se nuk ishin në gjendje të kujdeseshin për veten e tyre siç bënin më parë, 23 për qind kishin akoma gulçim kur ngjisnin shkallët, dhe një e treta e pacientëve ende ankoheshin për simptoma të Covid-it (para së gjithash për rikthimin jo të plotë të nuhatjes dhe shijes).

Ndikimi ekonomik dhe psikologjik

Dyzet për qind e atyre që punonin përpara se të sëmureshin, nuk ishin kthyer ende në punë, kryesisht për arsye shëndetësore.

Por në disa raste sepse kishin e humbur punën. 26 për qind e atyre që ishin kthyer, kishin zvogëluar orët për ta menaxhuar më mirë lodhjen.

Më shumë se një e treta e të intervistuarve, ankoheshin mbi ndikimin që kishte pasur Covid mbi financat e tyre.

10 për qind e të anketuarve, thanë se u kishin mbaruar kursimet për shkak të pasojave nga mungesa e punës, dhe 7 për qind kursenin në ushqim, ngrohje, ilaçe dhe shpenzime shtëpiake për të vijuar ecjen përpara.

Gati gjysma e atyre që u shëruan nga virusi raportuan pasoja të shëndetit mendor, dhe një përqindje e vogël (28 persona) kërkuan mbështetje psikologjike pas daljes nga spitali.

Për çfarë popullate po flasim

Mosha mesatare e pacientëve ishte 62 vjeç.

Thuajse 52 për qind e tyre ishin afro-amerikanë, dhe 4 për qind me origjinë hispanike.

Mbi 14 për qind e tyre nuk ​​vuanin nga sëmundje kronike para se të mbërrinin në spital, dhe për shumë të tjerë e vetmja patologji e mëparshme ishte hipertensioni.

Një e katërta e pacientëve kishin faktorë “klasikë” të rrezikut (diabet, probleme kardiovaskulare, sëmundje të veshkave).

Duke i pasur parasysh këto premisa, të dhënat mbi shkallën e vdekshmërinë në repartet e kujdesit intensiv ishin çuditërisht të larta, por gati të barabarta me ato të regjistruara në të njëjtën periudhë në pjesë të tjera të botës.

63 për qind e atyre që ishin trajtuar në ato reparte, vdiqën në spital ose brenda 2 muajsh pas kthimit në shtëpi. 

Të fundit

Zgjidhjet natyrale kundër problemeve me dhëmbët

Njerëzit që vuajnë nga ndjeshmëria e lartë e dhëmbëve, përballen çdo ditë me dhimbje të forta e të mprehta sa herë që konsumojnë ushqime të ftohta, të ngrohta apo të tharta. Dhimbja

5 ushqimet më të mira kundra plakjes

Të pasurit e një lëkure të bukur e të pastër fillon që me mënyrën se si ushqehemi, por këto ushqime kundra plakjes mund t’ju ndihmojnë me më shumë se aq. Kur e mbushim dietën tonë ush

Mungesa e magnezit mund të jetë vdekjeprurëse

Ky mineral ndihmon për të fjetur më mirë, zvogëlon rrezikun e ekzemës, infarktit dhe sulmit në zemër, dhe mangësia e tij mund të jetë fatale. Mungesa e magnezit manifestohet në formën e l

A ndikojnë dhimbjet e kokës në plakjen e trurit?

Plakja e trurit është kthyer në kryefjalën e shqetësimeve mbarë botërore prej disa vitesh tashmë. Sipas të dhënave nga Instituti Internacional i Alzhaimer-it të cilit i referohet AgroWeb.

Pse lëkura jote ka nevojë patjetër për vitaminën C

Vitamina C ka shumë efekte pozitive në shëndetin tonë, por për lëkurën, ajo bënë mrekullira. Studimet konfirmojnë se në vetëm tre muaj aplikimi të rregullt të kësaj vitamine, lëkura ë

10 ushqimet që duhet ti shmangni për ulur dhjamin në bark

Nëse dëshironi të zvogëloni dhjamin në bark, duhet të zgjidhni një plan të duhur diete dhe një rutinë efektive trajnimi. Shmangia e këtyre produkteve të dëmshme është thelbësore për h

Info Tjera