Shëndeti http://mediapress.al/wp-content/uploads/2020/10/14db84c9-4497-47bb-b774-81219301e118-fizkes2fshutterstock.jpg

Si ta luftojmë lodhjen emocionale dhe si të dalim prej saj?



Një temë e debatuar gjatë është ajo e lodhjes emocionale dhe kurrë nuk kuptohet sa duhet.

Në të shumtën e rasteve lodhja emocionale shkaktohet nga mjedisi shumë i zhurmshëm, puna e vështirë, vështirësitë me menaxhimin e jetës.

Lodhja emocionale na dobëson si fizikisht ashtu dhe mendërisht, ku mund të humbasë arsyeja për të qenë, shkëlqimi dhe spontaniteti i saj.

Prandaj, sikur një lloj sensori që aktivizohet në mendje, këtu janë sugjerimet që duhet të zbatohen menjëherë, ose gradualisht, në mënyrë që të rigjeni energjinë dhe dinamizmin tuaj.

Burimi i lodhjes

Lodhja emocionale shpesh shkaktohet nga një ritëm rraskapitës i jetës.

Veçanërisht godet ata që duhet të bëjnë udhëtime të gjata në transport publik ose të udhëtojnë shpesh.

Ajo gjithashtu ka të bëjë me familje, me një prind të vetëm që administron kërkesat dhe nevojat e jetës: mirëqenia, edukimi i fëmijëve përveç profesionit të tyre, etj.

Përfshihen gjithashtu strehimi i ngushtë dhe/ose i zhurmshëm, problemet e mëdha financiare, papunësia, kufizimet e përditshme ose të rregullta që marrin kohë dhe energji, sikurse janë kujdesi për prindërit e varur; njëri bashkëshort i sëmurë, ose thjesht duke punuar shumë; pa kohë të mjaftueshme të rimëkëmbjes.

Disa këshilla të dobishme

Identifikoni dhe emërtoni i shkaqet kryesore të lodhjes suaj; kjo është gjëja e parë që duhet të bëni – “çka është ajo që më konsumon më shumë energji dhe kohë”?

Duke e lejuar veten ta thoni dhe pranoni që lodhja kryesore vjen nga ‘përkujdesja për nënën time/edukimi i fëmijëve’, etj., etj., ua lehtëson paksa presionin.

Thuajeni me zë të lartë ose me shkrim, për të çliruar ngarkesën emocionale, rendisni gjithçka që ju duket e vështirë për t’u menaxhuar dhe që ju duket e padrejte ndaj juve në lidhje me situatën tuaj.

Mos censuroni veten, shkruani gjithçka në detaje.

Praktikojeni sa herë që ndjeni nevojë, kjo do t’ju ndihmojë ta ulni nivelin e presionit.

Përshkruani pasojat e situatës rraskapitëse në detaje, me shkrim ose thuajani një personi që i besoni, kjo do ju bëjë të ndjeheni më mirë.

Ne, shpesh minimizojmë përpjekjet e bëra për t’i bërë ato të durueshme, ose duke i thënë vetes “nuk jam e vetmja/i vetmi, t’gjithë kanë probleme”, por kjo nuk është mënyra më e mirë për të gjetur relaks psikik.

Përshkrimi realist i mundimeve do t’ju mundësojë që të gjeni lehtësim për ngarkesën tuaj.

Nuk është për t’u neglizhuar kërkimi i ndihmës ekstreme, në familje, në shoqëri.

Si ta bëni më të durueshme atë që nuk e ndërroni dot, të paktën tani për tani.

Bëni vetes këtë pyetje dhe ftoni të afërmit (miqtë, familjen) të ndajnë idetë, këshillat dhe përvojat e tyre me ju në mënyrë që t’ju ndihmojnë të mendoni, se çfarë mund të bëni për t’ia lehtësuar vetes këtë ngarkesë.

Pasi të jeni furnizuar me këshilla, planifikoni për ndryshime të mundshme në afat të shkurtër, të mesëm dhe të gjatë.

Vendosni një datë fillimi për zbatim, duke marrë parasysh kufizimet e pashmangshme (koha, kushtet materiale).

Mos harroni të bëni një përmbledhje të progresit: a janë këto kërkesa të mjaftueshme? Çfarë kam neglizhuar? A kam kërkuar ndihmë mjaftueshëm? Kujt mund t’i drejtohem?

Mos e harroni veten: mos minimizoni lodhjen, mundimin tuaj.

Askush nuk do të kujdeset për ju në vend tuajin: bëni pushime sa herë që mundeni për të marrë frymë dhe kënaquni me veten, kujdesuni për stilin e jetës tuaj (dieta, aktivitet fizik, meditim, joga, ecje në natyrë, blerje apo çfarëdo tjetër që ju bën të ndjeheni mirë).

Nëse mendoni se nuk jeni më në gjendje emocionale për ta menaxhuar stresin/lodhjen psikologjike, kërkoni ndihmë nga profesionistët; do fitoni kohë dhe do gjeni relaks më shpejtë, mos u nguroni kur është fjala tek konsulta terapeutike.

Mos jetoni për të tjerët, se çka mendojnë e çka do thonë ata.

Ju jeni personi që e dini më së miri se çfarë është mirë për juve, andaj bëhuni vetja dhe mendoni për veten tuaj pa lënë hapësirë që mendimi i të tjerëve t’ju frenoj në mirëqenien tuaj personale.

Dhe, mos harroni se një grua nuk është e lodhur emocionalisht sepse është e brishtë, por sepse ka qenë e fortë për shumë kohë.

Të fundit

Kanceri i mushkërive: Simptoma në fytyrën tuaj që nuk duhet ta injoroni

Kanceri i mushkërive është një nga llojet më serioze të kancerit që diagnostikohet, pasi zakonisht është e vështirë të dallosh derisa të përhapet në pjesë të tjera të trupit. Kanceri

Një ekip kërkimor thotë se vala e dytë e ka origjinën nga Spanja

Një variant i koronavirusit që ka origjinën tek punëtorët spanjollë të fermave është përhapur me shpejtësi në pjesën më të madhe të Evropës që nga vera dhe tani përbën shumicën e

Zgjidhja ideale për ta zëvendësuar kafenë

Pa një filxhan kafe në ditë nuk bëjmë dot, dhe dita-ditës po shtohen pretendimet se kafeja nxit ankthin dhe stresin tek disa njerëz. Ekspertët kanë përpiluar një listë me produktet që kan

Seksi dhe shtatzënia, 8 faktet që duhet të dijë çdo çift

Marrëdhënia seksuale në shtatzani nuk do të jetë njësoj si më parë dhe kjo pasi shpesh partnerët kanë frikë mos dëmtojnë fetusin. Dhe në lidhje me këtë ka disa fakte që duhet të dini

Ky çaj do iu mbroj nga shumë sëmundje

Ky çaj me gjethe ulliri njihet ndryshe si sekreti i jetëgjatësisë së mesdhetarëve dhe është një ndër pijet më të lashta në historinë e njerëzimit. Çaji me gjethe ulliri është një al

Anti-trupat nuk garantojnë mbrojtje totale ndaj Covid-19

Një studim i ri ka zbuluar se niveli i anti-trupave mbrojtës zbehet mjaft shpejt tek ata persona që janë infektuar me Covid-19. Sipas zbulimeve të “Imperial College London”, ka një rënie me

Info Tjera