Turizmi http://mediapress.al/wp-content/uploads/2020/06/shqiperia.jpg

Turistët nga Kosova shpëtuan këtë industri në Shqipëri



Kryeministri  i Shqipërisë, Edi Rama u tha vlonjatëve se hotelet ishin plot, megjithëse çmimet nuk u ulën.

Shtetasit nga Kosova, por edhe shqiptarët në Shqipëri, shpëtuan turizmin në këtë vend, ndërkohë që operatorët turistikë nuk është se i kanë ulur çmimet. Kjo është pranuar nga kryeministri Edi Rama gjatë një bashkëbisedimi me qytetarë vlonjatë të premten.

“Unë dje isha me një operator turistik dhe jashtë kamerave ma konfirmoi atë që di në fakt, që sezoni i kaluar nuk ishte me humbje. Ndërkohë që pandemia ishte realisht e frikshme për sektorin, por lëvizja që ne bëmë duke mos e mbyllur kufirin me Kosovën dhe fakti që shqiptarët në Shqipëri nuk mundën të ikin jashtë, bëri që hotelet të jenë plot”, tha Rama.

Ai shtoi se nuk beson që “kur i keni marrë paratë, nuk u janë dukur më pak se po jua japin shqiptarët e Kosovës dhe Shqipërisë, se nuk është se i ulët çmimet”.

“Ky sezon ka qenë një provë domethënëse e faktit se sa shumë para shpenzohen nga shqiptarët e Shqipërisë për turizëm dhe përgjithësisht shkojnë jashtë. Tjetra që e ka ndihmuar shumë sektorin, që është indirekte, ka qenë që shumë nga shqiptarët që janë mësuar përndryshe të iknin në Budva, në Greqi, në Itali, në Spanjë e në Turqi, njohën Shqipërinë. Kjo është konkrete. Një pjesë e madhe e tyre dinin Tiranë–Durrës, maksimumi deri në Vlorë, dhe këtu mbaronte puna e tyre”, tha Rama.

Megjithatë, në vitin 2020, turizmi në Shqipëri si sektor i ekonomisë është pa diskutim më i godituri nga pandemia. Varësia e ekonomisë shqiptare nga turizmi është pikërisht arsyeja pse goditja në ekonominë e përgjithshme ka qenë më e madhe në Shqipëri së në vendet e tjera të rajonit, gjë të cilën e kanë nënvizuar shumë institucione ndërkombëtare, që nga Banka Botërore, Banka Evropiane për Rindërtim dhe Zhvillim (BERZH), FMN e deri te “Standard and Poor”-s së fundmi.

Numri i qytetarëve nga Kosova që kanë vizituar Shqipërinë për vitin 2020 është 1.379.360 persona. Megjithëse me një rënie prej 38.6% krahasuar me të njëjtën periudhë të vitit 2019, Kosova ka rënien më të ulët të hyrjeve të shtetasve të saj në Shqipëri për vitin 2020, që llogaritet më e ulëta krahasuar me vendet e tjera të rajonit e Evropës. Ndërkohë që në muajt e vjeshtës, por edhe në ata të fillimdimrit, numri i qytetarëve nga Kosova që kanë vizituar Shqipërinë ka njohur rritje krahasuar me muajt e verës.

Qytetarët nga Kosova i kanë bërë sfidë pandemisë kur vjen puna për të udhëtuar në Shqipëri. Në tremujorin e katërt të vitit 2020 numri i qytetarëve nga Kosova që vizituan Shqipërinë ka qenë 519.435 persona, nga 407.760 persona që e kishin vizituar në tremujorin e katërt të vitit 2019, duke shënuar një rritje prej 27.4%. Ndërkohë që në përgjithësi në Shqipëri, numri i vizitorëve në tremujorin e katërt të vitit 2020 gjithsej është ulur me 41,2 % në krahasim me tremujorin e katërt 2019. Numri i net-qëndrimeve gjithsej është ulur me 58,4 % në krahasim me tremujorin e katërt 2019. Numri i net-qëndrimeve për tremujorin e katërt 2020 ndjek të njëjtin trend me numrin e vizitorëve. Vlora mban vendin e parë me 31.1% për sa u përket rezervimeve të kryera nëpërmjet agjencive të udhëtimit, apo operatorëve turistikë. Qyteti bregdetar i Vlorës në jug të Shqipërisë mban vendin e parë me 38.8% edhe për sa u përket të rezervimeve mbi format e akomodimit, pasuar nga Korça me 20.1%.

Të fundit

Cilat janë qytetet më të vizituara nga turistët në Kosovë?

Agjencia e Statistikave të Kosovës (ASK) ka publikuar statistikat e hotelerisë në Kosovë për tremujorin e katërt të vitit 2020, ku thuhet se numri i vizitorëve ishte 51 885, prej tyre 43.33%

Urat mbresëlënëse në Shqipëri që duhet ti vizitoni

Pas një periudhe të gjatë ku pandemia ka formësuar jetën tonë, duke na m byllur brenda, perspektivat e rihapjes dhe ngrohja e kohës na bën sërish ëndërrimtarë të aventurave tona të ardhs

Trendi i ri befasues i udhëtimit

A e keni kaluar ndonjëherë natën duke fjetur nën yje? Shumica e perëndimorëve të pasur as nuk e kanë menduar atë, duke zgjedhur në vend “luksin” e një dhome hoteli me katër mure dhe nj

10 qytetet më të sigurta në botë për vitin 2021

Cilat janë qytetet më të sigurta në botë për vitin 2021? Këtë na e zbulon një sondazh i fundit i Numbeo, baza më e madhe e të dhënave dhe informacioneve të azhurnuara në lidhje me kushte

Hoteli prej akulli që po çmend turistët

Këto fotografi të mahnitshme tregojnë versionin e ri të hotelit të pabesueshëm të akullit në Kanada, Hotel de Glace, i cili u hap muajin e kaluar dhe është rindërtuar çdo vit për 21 vjet

Reliket e komunizmit që u kthyen në atraksion për turistët

Faqja prestigjioze MSN, në kategorinë kushtuar të apasionuarve pas udhëtimeve, së fundmi ka përfshirë edhe një tematikë shumë interesante, titulluar: “Reliket e komunizmit nëpër botë”

Info Tjera