Jetë http://mediapress.al/wp-content/uploads/2021/04/Carbon-Institute-Ecosystems-1600x900-1.jpg

Vetëm 2.8% e ekosistemit të planetit mbetet e paprekur nga dora e njeriut



Sipas studimit të fundit shkencor nga Universiteti i Kembrixhit, 2.8% e planetit mbetet ekologjikisht e paprekur, me popullata të shëndetshme të të gjithë kafshëve dhe bimëve.

Sipas shkencëtarëve, pjesët e vogla të planetit që nuk janë dëmtuar nga aktiviteti njerëzor gjenden kryesisht në zonat e pyjeve tropikale të Amazonës dhe Kongos, në pyjet dhe tundrën e Siberisë Lindore, në Kanadanë veriore, si dhe në Sahara.

Përveç kësaj, sipas hulumtimit të botuar në revistën Frontiers in Forests and Global Change, speciet e huaja invazive, përfshirë macet, dhelprat, lepujt, dhitë dhe devetë, kanë pasur një ndikim të rëndësishëm në speciet vendase në Australi, si pasojë shkencëtarët nuk gjejnë zona të paprekura në atë kontinent.

Studiuesit madje propozojnë të vendosin një numër të vogël të specieve të rëndësishme endemike në disa zona të shkatërruara, të tilla si elefantët ose ujqërit, një lëvizje që synon të rikthejë deri në 20% të sipërfaqes së tokës.

Analizat e mëparshme, të mbështetetura në imazhet satelitore, vlerësojnë se 20-40% e sipërfaqes së Tokës është prekur pak nga njerëzit.

Sidoqoftë, shkencëtarët në këtë studim të ri argumentojnë se pyjet, savanat dhe tundrat mund të duken të paprekura nga lart, por në tokë, speciet jetësore mungojnë.

Si për shembull, elefantët që shpërndajnë farërat më tokë dhe ujqërit që kontrollojnë popullatat e drerëve.

Shkencëtarët në alarm: Vetëm 2.8% e ekosistemit të
Vlerësimi i ri përkufizon hartat që tregojnë dëmet e shkaktuara nga njeriu, siç është zhdukja e kafshëve nga habitatet e tyre origjinale ose minimizimi i popullatave, duke rezultuar e pamundur ruajtja e ekosistemit të shëndetshëm.

Shkencëtarët madje vërejnë se analiza e re nënvlerëson zonat e paprekura, sepse shumë specie të kafshëve të humbura gjatë shekujve janë të pakta ose nuk njihen, ndërsa hartat e reja nuk kanë marrë parasysh efektet e krizës klimatike, e cila ka ndryshuar gamën e specieve në tërësi.

Është fakt, planeti po përballet me një krizë serioze të biodiversitetit, me shumë popullata të kafshëve të egra në prag të zhdukjes,nga luanët deri te insektet, kryesisht për shkak të shkatërrimit të habitateve për kultivim dhe ndërtim.

Disa shkencëtarë madje besojnë se ka filluar zhdukja e gjashtë masive e jetës në Tokë, me pasoja serioze për ushqimin, ujin e pastër dhe ajrin.

“Në shumë habitate që i konsiderojmë të paprekura mungojnë specie që janë kapur madje edhe kontrabandë nga gjuetarët, ose janë zhdukur për shkak të specieve të huaja ose sëmundjeve”, tha Dr.Andrew Plumptre, studiues në Zonat Kryesore të Biodiversitetit, për britaniken Guardian.

“Është mjaft e frikshme, sepse kjo tregon se vendet e vetme që kanë ekosisteme funksionale dhe që janë plotësisht të paprekura, janë të pakta. Ne jemi në dekadën ku Organizata e Kombeve të Bashkuara ka vendosur synim rivendosjen e ekosistemit dhe po përqendrohet në rehabilitimin e habitateve të degraduara. Ne duhet të mendojmë seriozisht për rehabilitimin e specieve në mënyrë që të mund të rigjenerojmë dhe rikrijojmë zonat me ekosisteme ekologjikisht të paprekura.”

Studimi, i botuar në revistën Frontiers in Forests and Global Change, ka përdorur harta të bazuara në Listën e Kuqe të IUCN. Shumica e të dhënave kanë të bëjnë me gjitarët, por gjithashtu përfshijnë zogj, peshq, bimë, zvarranikë dhe amfibë.

Shumë nga zonat e paprekura ndodhen në vendet e banuara nga komunitete autoktone. Analiza nuk ka përfshirë Antarktidën.

Të fundit

Sa më shumë net pa gjumë, aq kujtesë të dobët do të keni

Gjumi nuk është një gjendje e pavetëdijshme, por më tepër se aq, një gjendje prehjeje mendore dhe trupore. Një zbulim i publikuar disa ditë më parë zbulon se mjafton një natë pa gjumë p

Bota pas Coronas është një botë tjetër

Kush jam unë, dhe nëse po, sa vetë? Me këtë pyetje disi komplekse, filozofi modern Richard David Precht i çoi dikur lexuesit e tij në një udhëtim zbulimi të vetes. Aktualisht, shumë njerëz

Nuk e dini akoma se çfarë është ndarja, nëse s’keni kaluar nëpër këto faza

Ndarja ndodhi. Asgjë e jashtëzakonshme, por s’mund ta themi këtë sidomos në fillimet e saj. Nuk ka shkëputje të lehta dhe përgjithësisht shumica e ndarjeve kalojnë nëpër disa faza. Nëse

Nëse s’doni probleme me shëndetin, mos e mbani stresin brenda vetes

Rezultatet e këtij studimi sugjerojnë se mbajtja e stresit mund të jetë problematike për shëndetin. Nëse arrini t’i largoni menjëherë nga mendja ngjarjet stresuese, do t’i bëni mirë sh

Përfitimet shëndetësore nëse pini ujë sapo të zgjoheni

Sipas shkencëtarëve japonezë është e rëndësishme që në mëngjes me stomakun bosh duhet të konsumojmë 600 ml ujë. Uji do të pastrojë barkun tuaj, por edhe zvogëlon rrezikun e zhvillimit

Ndryshimet klimatike po ‘vrasin’ detin Marmara

Turqia do të fillojë sot një fushatë të madhe të pastrimit për të shpëtuar Detin Marmara nga algat e tepërta. Duke përsëritur një plan të ri veprimi me 22 pika, Ministria e Mjedisit dhe

Info Tjera