MP Plus http://mediapress.al/wp-content/uploads/2020/09/main-qimg-9aabef7e5286c2683890f00a3d50bec5.png

Do ti bllokojmë negociatat me BE-në nëse nuk ka avancim për çështjet historike



Bullgaria do ta bllokojë konferencën e parë ndërqeveritare të Maqedonisë së Veriut me BE-në, nëse komisioni i përzier nuk arrin harmonizim për çështjet e hapura historike, deklaroi zëvendëskryeministri dhe ministër bullgar i Mbrojtjes, Krasimir Karakaçanov.

Ai në një deklaratë për TV 24 tha se diplomacia e Maqedonisë së Veriut tani më tre vjet pasi u nënshkrua Marrëveshja për fqinjësi të mirë shmang zgjidhjen e problemeve dhe pret që BE-ja të qëndrojë në mbrojte.

Sipas Sofjes zyrtare, pala maqedonase i shmang takimet e historianëve që të mos përballet me zgjidhjen e çështjes për Goce Dellçevin dhe me këtë tregohet se nuk ka dëshirë të zhvillojë dialog të sinqertë.

“Në nëntor të vitit të kaluar e ndaluam punën e Komisionit për shqyrtimin e problemeve historike. Ne e kemi thënë këtë njëqind herë në dhjetë muajt e fundit, se nëse nuk arrihet harmonizim për këto çështje, Bullgaria do të kundërpërgjigjet në konferencën e parë ndërqeveritare, ndërsa çështjet nuk do të pastrohen. Kjo është pozita e Bullgarisë dhe kjo është shumë e qartë për Shkupin”, deklaroi Karakaçanov.

Në pyetjen nëse kjo do të thotë se Bullgaria do ta bllokojë konferencën e parë ndërqeveritare, Karakaçanov direkt u përgjigj “Natyrisht”.

Karakaçanov nuk deshi të tregojë nëse Bullgaria do të vazhdojë ta problematizojë gjuhën maqedonase para miratimit të kornizës negociuese.

Sipas tij, problemi është tek Shkupi, e jo tek Sofja. Karakaçanov porosit se askush nga BE-ja nuk mund të shtypë dhe t’i tregojë Bullgarisë që ta ndryshojë pozitën dhe nuk mund vetëm një anë të bëjë kompromise dhe ana tjetër të bëjë çka të dëshiron.

“Unë mendoj se pasi kemi marrëveshje duhet të respektohen. Ju jeni pajtuar ta ndryshoni flamurin, ta ndryshoni emrin, ndërsa me atë vend i cili çdoherë i ka ndihmuar Maqedonisë mendoni se mund të veproni në mënyrë jokorrekte. Në marrëdhëniet ndërkombëtare duhet të ketë reciprocitet. Edhe kur Bullgaria sillet si gjentile, sillet në mënyrë korrekte, kur i ndihmon Maqedonisë, kur ishte shteti i parë që e njohu Maqedoninë, është e logjikshme të ketë sjellje të mirë reciproke edhe nga ana tjetër”, ka thënë Karakaçanov.

Diplomatët e vendeve anëtare të BE-së dje u mblodhën për të biseduar për projekt kornizën negociuese për Maqedoninë. Vazhdimi i diskutimit në nivel teknik në BE duhet të vazhdojë të premten.

Kreu shtetëror i Maqedonisë së Veriut në disa raste publikisht e prezantoi qëndrimin se nuk pret që Bullgaria ta bllokojë fillimin e negociatave me BE-në. Shkupi zyrtarisht pret që së shpejti të publikohet korniza negociuese, ndërsa konferenca ndërqeveritare për fillimin e negociatave aderuese me BE-në të ndodhë deri në fund të vitit.

Të fundit

Grenell: Marrëveshja e 4 shtatorit po implementohet

Richard Grenell, emisar special i SHBA-ve për dialogun mes Kosovës dhe Serbisë po konsideron se marrëveshja mes këtyre dy vendeve e arritur më 4 shtator në Uashington po implementohet. Grenell

Meta: Anëtarësimi i Kosovës në OKB do të sillte përfitime

Presidenti i Shqipërisë, Ilir Meta, ka deklaruar se Kosova është faktor i rëndësishëm i sigurisë dhe stabilitetit në rajon. Meta, përmes një postimi në “Facebook”, me rastin e 75 vjeto

Raka: Valën e dytë e kemi kaluar në gusht

Rritja e rasteve të koronavirusit në Kosovë nuk duhet të përbëjë shqetësim, meqë rritja e lehtë e të infektuarve ka dalur si rezultat i rritjes së testimeve në baza ditore, thotë mikrobi

Meta kthen në Kuvend Kodin Zgjedhor dhe i drejtohet ‘Venecias’

Ashtu siç ishte e pritshme, presidenti Ilir Meta ka kthyer në Kuvend ligjin për Kodin Zgjedhor, i cili u miratua në 5 tetor. Në dekretin e kreut të Shtetit, ky veprim argumentohet për faktin se

Rriten rastet me Covid, vdesin dy persona

Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, janë testuar gjithsej 1.119 mostra të marra nga ShSKUK dhe gjurmimi

Kosova me 1871 raste aktive me COVID-19

17 mijë e 422 persona në Kosovë janë infektuar me virusin korona që nga 13 marsi kur edhe u paraqitën dy rastet pozitive me këtë virus. Nga të dhënat e Institut Kombëtar të Shëndetësisë

Info Tjera