MP Plus http://mediapress.al/wp-content/uploads/2020/07/received_564144714275045-2-e1596711026130.jpeg

Edhe një tjetër mega-qeveri?



Qeveria në detyrë nuk arriti të finalizojë dhe të dërgojë për miratim në Kuvend projektligjin për qeverinë, i cili parasheh shkurtimin e posteve qeveritare.

Mungesa e këtij ligji bën që qeveria e ardhshme e cila do të dalë nga zgjedhjet e parakohshme, të mund ketë shumë ministra e zëvendësministra, thotë Arbëresha Loxha, drejtoreshë e Grupit për Studime Juridike dhe Politike.

Ky projektligj ishte iniciuar qysh në vitin 2018 nga qeveria e udhëhequr në atë kohë nga Ramush Haradinaj, e cila kishte numrin më të madh të ministrive që nga paslufta, me 21 ministri, pesë zëvendëskryeministra dhe më shumë se 80 zëvendësministra.

Ndërkaq, në gusht të këtij viti, Qeveria e Kosovës e udhëhequr nga Avdullah Hoti kishte finalizuar projektligjin për qeverinë, por si i tillë u dërgua në Komisionin e Venecias për të marrë interpretim nga ky komisioni sa i përket kushtetutshmërisë.

“Kemi komunikuar drejtpërdrejt me Komisionin e Venecias dhe kemi arritur të sigurohemi që në seancën e tetorit do të kemi një përgjigje nga ky komision”, kishte thënë Tahiri në një mbledhje të Qeverisë të mbajtur në muajin gusht.

Radio Evropa e Lirë ka provuar që të marrë përgjigje nga Qeveria e Kosovës edhe nga zëvendëskryeministri në detyrë, Besnik Tahiri, rreth këtyre rekomandimeve që mund t’i ketë dhënë Komisioni i Venecias, por deri në publikimin e këtij teksti nuk ka marrë përgjigje.

Projektligji për Qeverinë, i cili është i publikuar në ueb-faqen e saj, përveç tjerash ka paraparë që të mos kishte më shumë se tre zëvendëskryeministra dhe jo më shumë se pesëmbëdhjetë ministri me përjashtim, që me propozim të mandatarit për formimin e Qeverisë, mund të propozohen edhe dy ministri shtesë.

Me këtë projektligj, po ashtu, kryeministri do të mund të emërojë deri në katërdhjetë zëvendësministra.

Pas vendimit të Gjykatës Kushtetuese, e cila e konsideroi zgjedhjen e qeverisë së udhëhequr nga Avdullah Hoti, jokushtetuese, vendi shkon në zgjedhje të parakohshme.

Qeveria e Kosovës e udhëhequr nga ish-kryeministri Albin Kurti kishte 15 ministri, dy zëvendëskryeministra, kurse në përbërjen e saj, qeveria nuk kishte më shumë se 33 zëvendësministra.

Qeveria në detyrë e Kosovës e udhëhequr nga Avdullah Hoti numëron 16 ministri, katër zëvendëskryeministra dhe më shumë se 45 zëvendësministra. Që të gjithë këta zyrtarë të qeverive kanë të punësuar edhe numër të madh të këshilltarëve të tyre politikë, shoferë, si dhe të punësuar të tjerë.

Nga Grupi për Studime Juridike dhe Politike (GLPS) thonë ta kenë mbështetur këtë projektligj dhe kanë shtyrë përpara nevojën që Kosova ta ketë një ligj të tillë.

Arbëresha Loxha, drejtoreshë, thotë se këtë e kanë bërë që të mos bëhen, siç thotë ajo, abuzime sa i përket numrit të madh të ministrave e zëvendësministrave qysh janë bërë nga qeveritë e kaluara.

“Pavarësisht faktit që në qeverinë e udhëhequr nga Vetëvendosje edhe Lidhja Demokratike e Kosovës me kryeministër Albin Kurti, ishte ulur numri i ministrave dhe zëvendësministrave, e njëjta u kthye mbrapa në Qeverinë Hoti, e cila ishte qeveria e dytë për nga numri më i madh i zëvendësministrave dhe mistrive”, thotë Loxha.

Nisur nga kjo, Loxha thotë se në Kosovë është i domosdoshëm Ligji për Qeverinë, por që, sipas saj, një gjë e tillë po neglizhohet.

“Ka pasur tendencë përsëri të abuzohet me madhësinë e qeverisë dhe nuk ka qenë prioritet i qeverive që të adresohen këto probleme që kanë të bëjnë me madhësinë dhe aspektet tjera që lidhen me llogaridhënien dhe privilegjet e kabinetit qeveritar për këtë arsye edhe është lënë pa miratim ky ligj”, thotë ajo.

Numri i madh, në veçanti i zëvendësministrave, zakonisht është kritikuar nga shoqëria civile.

Në opinion, shpesh është ngritur edhe dilema se çfarë mund të punojnë të gjithë këta zëvendësministra, marrë parasysh që edhe vendet me popullatë shumë më të madhe sesa Kosova nuk kanë numër kaq të madh të të punësuarve në postet nën-ministrore.

Numri i madh i ministrave dhe zëvendësministrave është parë si një shpenzim i madh edhe për buxhetin e shtetit.

Paga e kryeministrit të Kosovës, është rreth 1,500 euro. Ministrat në Kosovë marrin pagë rreth 1,300 euro, kurse një zëvendësministër paguhet rreth 1,200 euro.

Këto paga nuk përfshijnë edhe shpenzimet tjera siç janë; këshilltarët, veturat, shoferët, asistentët administrativë, telefoni si dhe shumë shpenzime tjera.

Të fundit

Kuvendi shkarkon Metën me 104 vota pro

Me 104 vota pro dhe 7 kundër, Kuvendi i Shqipërisë ka miratuar raportin me gjetjet e shkeljeve të presidentit Ilir Meta nga Komisioni Hetimor. Kreu i Kuvendit Gramoz Ruçi tha se dy vota kanë qen

Bisedimet Kosovë – Serbi, me 15 qershor

Bashkimi Evropian tha të mërkurën se takimi i radhës ndërmjet Kosovës dhe Serbisë në kuadër të bisedimeve për normalizimin e marrëdhënieve ndërmjet tyre, do të mbahet me 15 qershor në

Diskutohet për Procesin e Berlinit

Nën drejtimin e ministrit të jashtëm të Gjermanisë, Heiko Maas, zhvillohet të martën, 8.6. konferenca e ministrave te jashtëm të Ballkanit Perëndimor, në kuadër të Procesit të Berlinit.

Mbi 1 mijë raste aktive në Kosovë

Instituti Kombëtar i Shëndetësisë Publike njofton se aktualisht në vend janë një mijë e 74 persona me virusin COVID-19 aktiv. Që nga fillimi i pandemisë e deri tani janë infektuar 107 mijë

1 mijë e 822 raste aktive me COVID-19

Instituti Kombëtar i Shëndetit Publik bën të ditur se numri total i rasteve pozitive është 107,447 raste nga 614,090 persona të dyshimtë në virusin SARS-CoV-2 dhe 2,243 raste të vdekjes. Num

Përfundon epoka 12 vjeçare e Netanyahut

Partitë e opozitës izraelite kanë arritur një marrëveshje për të formuar një qeveri të re që do t’i jepte fund mandatit 12-vjeçar të Benjamin Netanyahu si kryeministër. Yair Lapid, udh

Info Tjera