MP Plus http://mediapress.al/wp-content/uploads/2020/07/453646-HyermexU0t.jpg

Gjendja me Covid-19 është e rëndë



Kryeministri i Kosovës, Avdullah Hoti ka vizituar Institutin Kombëtar të Shëndetit Publik të Kosovës dhe Klinikën Infektive.

Hoti tha se gjendja me koronavirus në vend është e rëndë, por përshëndeti respektimin e masave nga ana e qytetarëve në këtë ditë feste.

“Në këtë ditë feste sigurisht por këta janë në krye të detyrës, në front, këta nuk mund ta lënë frontin e di që janë lodhur tash e gjashtë muaj përballen me këtë situatë unë jam sot këtu për të treguar vlerësimin tonë për punën që po bëhet… Gjendja është e rëndë, unë sot falënderoj qytetarët të gjithë që po i respektojnë masat, është ditë feste por si duket apeli që kemi bërë si qeveri bashkë me institucionet tjera dhe me akterët e tjerë të përfshirë në menaxhimin e kësaj situate kanë dhënë efekt. Unë shpresoj që të vazhdoj kjo gjendje që njerëzit plotësisht t’i respektojnë masat dhe të jenë të vetëdijshëm se jeta është mbi të gjitha sepse vetëm kështu ne mund ta menaxhojmë këtë situatë”, tha ai.

Kurse, ushtruesi i detyrës së drejtorit të Shërbimit Klinik Universitar të Kosovës, Valbon Krasniqi tha se gjatë takimit e njoftuan kreun e ekzekutivit për planet dhe organizimet që po bëhen me qëllim të ofrimit të shërbimeve sa më të mira për pacientët e infektuar me COVID19.

“Ne prezantuam situatën reale të cilën e kemi sa i përket aspektit klinik të pacientëve lidhur me veprimet që i kemi ndërmarrë për të krijuar kapacitetet shtesë me shtretër për të trajtuar pacientët me COVID si brenda klinikave universitare po ashtu edhe nëpër spitale regjionale, po ashtu edhe me veprimet që i kemi marr për të shtuar edhe numrin e stafit dhe personelit shëndetësor që janë duke trajtuar këta pacientë dhe veprimet e tjera logjistike në funksion të shërbimeve sa më kualitative për pacientët”, theksoi Krasniqi.

Kurse, drejtori i Institut Kombëtar të Shëndetit Publik, Naser Ramadani theksoi se vetëm duke u respektuar masat e parapara nga institucionet përgjegjëse mund të ulet lakorja epidemiologjike dhe të qetësohet situate.

“Nëse ne i duam të afërmit, familjet dhe qytetarët e këtij vendi na mbetet që çdo individ i këtij vendi duhet t’i përmbahet këtyre masave sepse janë e vetmja masë aktualisht në luftën kundër COVID19 që shpëton jetë dhe të ulë lakoren epidemiologjike dhe qetëson situatën dhe shkarkon shërbimet spitalore”, theksoi ai.

Ndërsa, drejtoresha e Klinikës Infektive, Lindita Ajazaj-Berisha u shpreh se gjendja e pacientëve është e rënduar dhe pavarësisht përpjekjeve disa pacientë po e humbin betejën me koronavirus.

“Gjendja e pacientëve të cilët po vijnë nga terreni janë në një gjendje me manifestime të rënda klinike, me një ecuri të rëndë të sëmundjes në të cilat në disa raste edhe përkundër përpjekjeve tona me terapi intensive dhe përpjekjeve tona të vazhdueshme për fat të keq po përfundojnë me fatalitet. Prandaj, i lus të gjithë qytetarët që ndihmën më të madhe na japin nëse ata i respektojnë rekomandimet që jepen nga institucionet shëndetësore. Ne do të jemi krah tyre, por kërkojmë edhe ndihmën e tyre që bashkërisht t’ia dalim kësaj situate”, tha drejtoresha e Klinikës Infektive.

Të fundit

A mund ta padisë Kosova Serbinë për gjenocid gjatë luftës së Kosovës?

Qeveria e Kosovës thotë se do të ngrejë padi në GJND ndaj Serbisë për gjenocid gjatë periudhës së luftës së vitit 1998/99. Njohësit e ҫështjeve juridike shprehen skeptikë nëse Kosova

Ballkani Perëndimor: Loja e keqe e vjetër me hartat

Ku gjenden saktësisht kufijtë kombëtarë në Evropën Juglindore? Kësaj pyetjeje nuk ka mundur t`i përgjigjet ende asnjë nga projektet e shumtë për rindarjen e rajonit. Një plan i parë i pë

Vaksinimi kundër COVID-19 shtrihet në zonat rurale të Shqipërisë

Qendra shëndetësore Kastrat ndodhet në fshatin Aliaj të Malësisë së Madhe dhe është një nga 12 qendrat e ngjashme në këtë bashki malore. Prej disa javësh, tre infermiere po bëjnë vaksi

A mund Kosova ta padisë Serbinë për gjenocid gjatë luftës?

Qeveria e Kosovës thotë se do të ngrejë padi në GJND ndaj Serbisë për gjenocid gjatë periudhës së luftës së vitit 1998/99. Njohësit e ҫështjeve juridike shprehen skeptikë nëse Kosova

Konfirmohen 97 raste të reja me COVID-19 dhe pesë raste të vdekjes

Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, si dhe laboratoret publike dhe private me metodën RAT, janë testuar

Mbi 2200 të vdekur nga virusi

Nga marsi i vitit të kaluar, deri të shtunën e 8 majit, në Kosovë janë konfirmuar 106 mijë e 345 raste me koronvirus, janë shëruar 97 mijë e 384 persona, n dërkaq kanë vdekur 2 mijë e 203

Info Tjera