MP Plus http://mediapress.al/wp-content/uploads/2020/08/Presheva-1.jpg

Haziri: Bashkimi i Luginës me Kosovën nuk e dëmton askënd



Kryetari i Gjilanit, Lutfi Haziri, vazhdon ta mbrojë idenë e tij se Lugina e Preshevës duhet t’i bashkohet Kosovës dhe të zgjidhen problemet që kanë shqiptarët në shtetin serb.

Ai tha se shqiptarët e Luginës kanë duruar politikisht që një kohë të gjatë, prandaj është edhe koha kur duhet t’u ofrohet zgjidhja nga shteti i Kosovës.

“Unë po e mbroj kauzën time sepse është e drejtë legjitime dhe fundja Kosova e ka obligim që të mbrojë të drejtat politike të shqiptarëve në lindje të Kosovës sikurse duhet mbrojtur në tërë territorin e vet. Ne duhet herët a vonë të zgjidhim problemin e tyre sepse është problem i yni, nuk jemi ne dhe ata. Padrejtësisht kanë mbetur edhe për shkak të parimeve të Kosovës vjeneze mbetur jashtë kufijve të vitit 1974”.

“Natyrisht, ata kanë treguar edhe durim politik, solidaritet, mirëkuptim dhe po presin që një ditë po presin t’iu bëhet zgjidhja atyre. Kjo nuk po bëhet në dëm të askujt dhe aq më pak në dëm të Kosovës, përkundrazi ajo bëhet më e begatë dhe më e madhe”.

Haziri tha se komunat shqiptarë kanë të drejtë të vendosin për t’u bashkuar me Kosovën dhe si këmbim mund t’i jepen Serbisë Leposaviqi me 17 fshatra që sipas tij nuk e prekin asnjë familje shqiptare.

“Veriu në Kosovë, aty ku e ka vendin dhe ku e ka pasë gjithmonë. Parimi i kufijve komunalë nuk preket në pjesën e Preshevës, Medvegjës dhe Bujanocit sepse parimi i kufijve komunalë e determinon dhe parimi i pronës private se kujt i takon dhe parimi kadastral. Këta janë tri parimet kryesore që shumica shqiptarëve atje e kanë të drejtën e vendosjes dhe ata kanë vendosur edhe me referendum më herët”.

“Ndërsa, Leposaviqi me 17 fshatra që i është bashkangjitur Mitrovicës së Kosovës në kohë të vjetra ka qenë pjesë e pandashme e Kosovës, por është pjesë që s’e prek asnjë familje, pronë apo shqiptar. Kjo është zgjidhja më e drejtë e të dy palëve”.

Nënkryetari i LDK-së tha se zgjidhja e problemeve me Serbinë bëhet vetëm në mënyrë paqësore, por se edhe kësaj kauze të tij nuk duhet t’i frikësohen.

“Nuk e di pse duhet me pasë frikë nga kjo zgjidhje sepse problemi që kemi me Serbinë është territorial dhe ai i luftës. Këto zgjidhen vetëm me bisedime paqësore. Serbia ka opsione të tejra. Ajo s’e ka pranuar as këtë Kosovë që është sot sepse ata punojnë që ta kthejnë Kosovën në administrim të plotë”.

Të fundit

Mbi 32 mln të infektuar në të gjithë botën

Shifra e të infektuarve me Covid-19 në gjithë botën ka shkuar në 32,773,811 të infektuar. Ndërkohë, kanë ndërruar jetën 993,649 njerëz dhe janë shëruar 24,179,850 të tjerë. Shtetet e B

Seanca e parë ndaj Salih Mustafës caktohet për 28 shtator

Të hënën në orën 15:00, në sallën e gjyqit të Dhomave të Specializuara të Kosovës (DHSK) në Hagë do të mbahet paraqitja e parë e Salih Mustafës. Kështu thuhet në një njoftim të Gjy

Shtyhet takimi

Takimi mes Kosovës dhe Serbisë që ishte planifikuar të zhvillohej në Bruksel ditën e hënë, është shtyrë. Kjo shtyrje mësohet se ka ardhur për shkak të situatës së krijuar nga koronavir

Presidenti reagon pas arrestimeve

Presidenti i vendit Hashim Thaçi ka reaguar pas bastisjeve dhe arrestimeve të sotme në OVL- UCK nga ana e EULEX-it. Thaçi ka thënë se asnjë i pandehur potencial nuk do t’i ikë drejtësisë,

Një i vdekur dhe 46 raste të reja me COVID-19

Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratorët private me metodën RT-PCR, janë testuar gjithsej 664 mostra të marra nga ShSKUK dhe gjurmimi i

Mbi 15 mijë raste me Covid

Gjatë kësaj jave ka pas rënie të numrit të të infektuarve dhe të të vdekurve me virusin korona. Megjithatë, ende vazhdon të ketë raste të reja pozitive me COVID-19, ku gjatë 24 orëve të

Info Tjera