MP Plus http://mediapress.al/wp-content/uploads/2020/10/avdulla-hoti-ne-kuvend-Per-menaxhimin-e-pandemise-jemi-shembull.jpg

Hoti: Në dialog me Serbinë po shkojmë për marrëveshje finale



Këto komente Hoti i bëri në seancën ku po raporton për 100 ditëshin e qeverisjes së tij.

Ai iu përgjigj deputetit të PDK-së, Bedri Hamzës i cilitha se në dialogun me Serbinë duhet të ndërrohet kursi, ku duhet të shkohet për marrëveshje finale, pasi çdo takim tjetër ka mundësi për kompromis dhe kompromiset mund të jetë të dhimbshme.

“Kërkesa e jonë është që të shkohet në dialog për marrëveshje finale, njohje reciproke, ulëse në organizatën e kombeve të bashkuara dhe hapja e rrugës në integrime euroatlantike“, tha ai.

Kurse, kryeministri i Kosovës, Avdullah Hoti ka dhënë disa sqarime për dialogun.

Tha se do të dialogojnë vetëm sipas Kushtetutës.

“Ka me përsërit 100 herë, sa herë të flasim për dialogun, unë do t’iu them se këtë proces do ta dërgojmë përpara vetëm sipas Kushtetutës, nuk do të shkojmë me 10 burra në Bruksel , as nuk do të bëjmë ligje antikushtetuese për dialogun. Mësohuni me këtë qasje, kjo është qasja jonë e kësaj qeverie, nuk ka tjetër“, tha ai.

Hoti u ndal edhe te ligji për rimëkëmbjen ekonomike, i cili nuk ka kaluar tash e gjashtë herë në Kuvend, duke ripërsëritur se janë të gatshëm si koalicion qeveritar, që të ulen së bashku me PDK-në dhe gjatë dy leximeve t’i përfshinë të gjitha çështjet që ky subjekt politik ka propozuar.

“Besoj që të hënën do të përmbyllet kjo çështje por prapë po iu them, po e marrë për obligim si kryeministër që prapë jemi të gatshëm që të hënën kur të votohet, gjatë dy leximeve, do të ulemi bashkë dhe ta integrojmë plotësisht projektligjin e juaj në këtë projektligj për rimëkëmbjen, ta bëjmë më të mirën, edhe propozimet e tjera që mund të vijnë nga Vetëvendosje“, tha ai.

Hamza tha se pakoja e dytë ekonomike, përveç që nuk ka substancë, po vonohet dhe nuk po miratohet në Kuvend.

“Kalone ose uluni ta harmonizojmë dhe ta bëjmë një pako që është e domosdoshme për vendin. Bizneset kanë mbetur pa përkrahje, punëtorët në sektorin privat rrezikohen të mos i marrin pagat, pastaj në një periudhë të ardhshme edhe sistemin bankar dhe do të sjellë vështirësi. Sikur të ish përkrahur propozimi i PDK-së dhe mos të ishte penguar me procedura burokratike, pensionistët do ta kishin një gjendje tjetër, kategoritë e dala nga lufta do ta kishin një gjendje tjetër dhe bizneset dhe punëtorët në sektorin privat do ta kishin një gjendje tjetër“, tha Hamza.

Ndërsa, deputeti Hamza e tha se e vetëm dinë se ndryshimet e vogla mund të bëhen në lexim të dytë të secilit projektligj.

Debati për punën e qeverisë Hoti ende po vazhdon në Kuvendin e Kosovës.

Të fundit

Dyfishohen rastet

Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, janë testuar gjithsej 1.608 mostra të marra nga ShSKUK dhe gjurmimi

Dyshime për viktima pas tërmetit shkatërrues në qytetin e shumë shqiptarëve

Tërmeti me magnitudë 7 ballë deri tani ka shembur 20 godina në qytetin turk të Izmirit, ndërsa shumë të tjera janë dëmtuar rëndë. Deri tani po ashtu flitet për dhjetëra viktima, por ende

Mësuesit kërkojnë të punojnë nga shtëpia

Sindikata për Arsim, Shkencë dhe Kulturë (SASHK) në Maqedoni ka kërkuar nga Ministria e Arsimit dhe Shkencës që ta rishqyrtojë vendimin për mësimin me prezencë fizike, gjegjësisht t’i le

Miratohet projekt-buxheti për vitin 2021

Qeveria e Kosovës në mbledhjen e sotme ka miratuar projekt-buxhetin 2 milardë e 412 milionë euro për vitin 2021. I kënaqur me këtë buxhet u shpreh kryeministri Avdullah Hoti, i cili tha ësht

Dialogu Kosovë-Serbi – Një hap tjetër përpara me këndvështrime të ndryshme

Pas një muaj ndërprerje Prishtina dhe Beogradi zhvilluan në Bruksel edhe një raund bisedimesh në nivel ekspertësh të përfaqësuar nga kordinatori shtetëror i Kosovës Skënder Hyseni dhe ai i

Engel: SHBA-ja duhet të luaj rol aktiv për zgjidhjen e çështjes Kosovë-Serbi

Më pak se një javë para zgjedhjeve presidenciale në Shtetet e Bashkuara, kongresmeni demokrat Eliot Engel thotë se çfarëdo administrate të jetë në fuqi, duhet t’i kushtojë rëndësi zgjid

Info Tjera