MP Plus http://mediapress.al/wp-content/uploads/2021/02/vacc-4.jpg

Kur Kosova do të furnizohet me vaksina kunër virusit?



Ndonëse vendet e rajonit tashmë kanë filluar vaksinimin, Kosova ende nuk ka arritur të marrë dozat e para të vaksinës antiCOVID-19, ani pse u tha se këto vaksina do të arrijnë në muajin shkurt.

Ministri në detyrë i Shëndetësisë, Armend Zemaj në janar të këtij viti konfirmoi se Kosova ka siguruar 500,000 vaksina kundër COVID-19 nga kompania Pfizer.

Naser Ramadani, drejtor i Institutit Kombëtar të Shëndetësisë Publike, gjatë takimit të Komitetit për koordinim dhe vlerësimin e situatës me COVID-19, deklaroi se Kosova është në pritje të kontingjentit të parë të vaksinës AstraZeneca, e cila pritet të arrijë në kuadër të programit të COVAX-it.

Aleanca COVAX në një përgjigje për Telegrafin ka deklaruar se dërgesa e parë e vaksinave pritet të ndodhë në muajin mars të këtij viti.

“COVAX parashikon që pjesa më e madhe e raundit të parë të dërgesave të ndodhë në mars, me disa dërgesa të hershme për ato që kanë përmbushur tashmë kriteret e përshkruara në deklaratën tonë të përbashkët, që ndodhi këtë javë. Më shumë informacion në lidhje me këto dërgesa të para do t’u komunikohen të gjithë pjesëmarrësve dhe do të publikohen në internet në ditët në vijim”, thuhet në përgjigjen e COVAX për Telegrafin.

Në një deklaratë të përbashkët të lëshuar nga Aleanca COVAX më 16 shkurt 2021, kanë përmendur disa kritere në bazë të së cilave do të bëhet shpërndarja e vaksinave.

Të pyetur nëse Kosova është në mesin e vendeve që kanë përmbushur këto kritere, në përgjigjen e COVAX thuhet se “duhet të presim derisa dokumenti të botohet”.

Aleanca COVAX në raportin e publikuar më 3 shkurt, tregon se Kosova do të furnizohet me vaksina të kompanisë AstraZeneca, ndonëse Organizata Botërore e Shëndetësisë nuk ka siguruar ende vaksinën e kësaj kompanie. Sipas këtij raporti thuhet se Kosova do të përfitojë nga COVAX, 100,800 doza ta vaksinës antiCOVID-19.

Në anën tjetër nga institucionet e Kosovës nuk është dhënë ende ndonjë datë se kur pritet të arrijnë vaksinat.

Zyra e Kryeministrit sot përmes një njoftimi për media ku ka paralajmëruar ashpërsim të masave, ka bërë të ditur se Ministria e Shëndetësisë është duke pritur kontingjentin e parë të vaksinave dhe është e gatshme që posa të vijnë, të zbatohet strategjia e vaksinimit anti COVID-19 në tërë territorin e Republikës së Kosovës.

Të fundit

Tayna: Njerëzit po shokohen kur po iu tregoj se jam duke agjëruar

Reperja e njohur, Tayna, ua ka uruar së fundmi të gjithë ndjekësve të saj Muajin e Shenjtë të Ramazanit. Në të njëjtën kohë, ajo duket se është duke agjëruar përgjatë muajit të madh

Gjithçka që duhet të dini para se të merrni vaksinën Pfizer

Mbi 100,000 doza të vaksinës Pfizer/BioNTech kundër koronavirusit pritet të arrijnë në Kosovë deri në fund të qershorit. Programi COVAX i Organizatës Botërore të Shëndetësisë, i cili ka

Emra të rinj, qëndrime të vjetra – Raport për Kosovën në OKB

Takimet informuese të Këshillit të Sigurimit për Kosovën mblidhen në bazë të rezolutës 1244 të vitit 1999. Sipas saj, Sekretari i Përgjithshëm i OKB-së, duhet të informojë rregullisht a

Mbi 13 mijë raste aktive me COVID-19

98 mijë e 835 persona janë infektuar me COVID-19 që nga 13 marsi i vitit të kaluar kur edhe u shfaqën dy rastet e para pozitive me këtë virus. Shkak i infektimit me COVID-19 në Kosovë kanë v

Qeveria ndanë 60 milionë euro për blerjen e vaksinave

Qeveria e Kosovës në mbledhjen e sotme ka miratuar nismën për negocimin e marrëveshjes kornizë së kredisë ndërmjet Kosovës dhe Bankës Zhvillimore të Këshillit të Evropës për financimin

12 të vdekur dhe mbi 1 mijë të shëruar

Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, si dhe laboratoret publike dhe private me metodën RAT, janë testuar

Info Tjera