MP Plus http://mediapress.al/wp-content/uploads/2020/10/hoti-ne-kuvend-1-1920x1280-1.jpg

Mosaplikimi në organizata ndërkombëtare, në koordinim me SHBA-të



Kryeministri i Kosovës, Avdullah Hoti ka thënë se pauzimi i Kosovës për aplikim në organizata ndërkombëtare duhet parë në frymën e koordinimit të nevojshëm që i duhet Kosovës me Shtetet e Bashkuara të Amerikës dhe partnerët e tjerë ndërkombëtar.

Hoti para deputetëve të Kuvendit të Kosovës ka thënë se ShBA-të vazhdimisht e kanë përkrahur Kosovën në të gjithë mekanizmat ndërkombëtar, andaj moratoriumi për aplikim, siç janë marrë vesh në Shtëpinë e Bardhë, duhet parë edhe si afatizim për arritjen e marrëveshjes përfundimtare Kosovë-Serbi.

“Edhe moratoriumin për aplikim duhet kuptuar në këtë frymë, pra në frymën e koordinimit të nevojshëm që ne na duhet me ShBA-të para së gjithash por edhe partnerët e tjerë për anëtarësim në organizata ndërkombëtare. Edhe këtë duhet parë po ashtu nga këndvështrimi i një afatizimi të arritjes së marrëveshjes përfundimtare në mes të Kosovës dhe Serbisë, e cila duhet të ndodh siç kemi biseduar në këtë Kuvend me një marrëveshje përfundimtare për njohje reciproke dhe normalizim të marrëdhënieve në çdo aspekt në mes të dy vendeve”, tha Hoti.

Në interpelancën në të cilën Hoti është thirrur të raportojë rreth vendimit për mos-aplikim në organizata ndërkombëtare për një vit, ka thënë se pavarësisht këtij vendimi, Qeveria e Kosovës po punon për përgatitjet për anëtarësim në mekanizmat ndërkombëtar.

“Pavarësisht dakordimit për të pauzuar për një 1 vit për aplikim në organizata ndërkombëtare ne nuk po e pauzojmë punën tonë për përgatitjet për anëtarësi që duhet të bëjmë në organizata ndërkombëtare, përkundrazi ne po vazhdojmë koordinimin e plotë me gjithë partnerët dhe partnerin tonë kryesor ShBA-të që të sigurohemi që aplikimet tona në organizata ndërkombëtare nuk dështojnë siç ka ndodh në të kaluarën por rezultojnë me pranim të subjektivitetit tonë ndërkombëtar”, tha Hoti para deputetëve.

Në shtator të këtij viti, në Shtëpinë e Bardhë ku Kosova dhe Serbia janë marrë vesh për normalizim ekonomik, Kosova ka pranuar të zbatojë një moratorium një vjeçar që ndalon aplikimin për tu anëtarësuar në organizatat ndërkombëtare.

Të fundit

Kuvendi mblidhet të premten dhe të hënën

Gjatë ditës së sotme kryesia e Kuvendit së Kosovës, drejtuar nga Vjosa Osmani, mbajti mbledhjen e radhës në të cilën u vendos që Kuvendi të mblidhet në seancë plenare të premtën në ora

Kosova dhe Letonia heqin tatimin e dyfishitë

Sot në Ambasadën e Letonisë në Stokholm, u nënshkrua Marrëveshja për Eliminimin e Tatimit të Dyfishtë dhe Parandalimin e Evazionit Fiskal. Në kuadër të përmbushjes së kërkesave të Marr

Gjermania gati për vaksinim në dhjetor

Qeveria Merkel ka vendosur që vendi duhet të jetë gati që në mesin e dhjetorit të nisë vaksinimin në masë, ose sapo tre vaksinat të marrin autorizimin e duhur. “Duhet të jemi gati” ka t

13 të vdekur brenda 24 orëve

Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, janë testuar gjithsej 1.590 mostra të marra nga ShSKUK dhe gjurmimi

Mustafa: Javën e ardhshme takohemi për çështjen e presidentit

Pas takimit që ka pasur në Kuvend, kreu i Lidhjes Demokratike të Kosovës, Isa Mustafa ka folur para mediave për çështjen e presidentit. Mustafa ka thënë se pas shuarjes së grupit parlamentar

Hoti paralajmëron zbatimin e shpejtë të marrëveshjes së Washingtonit

Kryeministri Avdullah Hoti ka paralajmëruar se projektet që janë të përfshira në marrëveshjen që u nënshkrua më 4 shtator në Washington, me ndërmjetësimin e Presidentit Trump, do të fill

Info Tjera