MP Plus http://mediapress.al/wp-content/uploads/2021/01/Russian_embassy_Tirana.jpg

Përplasje të reja mes Shqipërisë dhe Rusisë



Ambasada ruse në Shqipëri ka bërë një postim në faqen zyrtare Facebook ku shkruan se nuk kanë marrë asnjë ankesë për diplomatin e dëbuar nga Ministria e Jashtme e Shqipërisë.

Madje ato i quajnë akuzat të pabaza dhe ngrenë dyshime në lidhje me synimin e palës shqiptare për miqësinë e dy shteteve.

Shqipëria dëboi dje sekretarin e dytë të ambasadës ruse në Tiranë me argumentin se kishte shkelur disa herë masat anti-Covid. Diplomatit Alexey Krivosheev iu la një afat prej 72 orësh për t’u larguar nga Shqipëria.

Postimi i Plotë
Koment i Ambasadës Ruse në lidhje me njoftimin e diplomatit rus “persona non grata”.

Ne e konsiderojmë vendimin e autoriteteve shqiptare për të dëbuar diplomatin rus, të pabazë. Gjithashtu jemi të befasuar nga përmbajtja e deklaratës për shtyp të Ministrisë së Jashtme shqiptare. Ndryshe nga pohimet e Ministrisë, emri i Aleksey Krivosheev nuk është përmendur
asnjëherë gjatë komunikimit midis Ambasadës Ruse dhe Ministrisë së Jashtme Shqiptare. Për herë të parë dhe të fundit, emri i tij është përmendur në një shënim verbal nga Ministria e Punëve të Jashtme të Shqipërisë të datës 20 janar 2021, sipas të cilit Z. Krivosheev u shpall person “non grata”. Në të njëjtën kohë, nuk është dhënë asnjë provë e shkeljes të masave anticovid që janë në fuqi në Shqipëri, nga ambasadori.
Më herët, në korrik të vitit 2020, në një takim midis Ambasadorit dhe Ministrit në detyrë të Punëve të Jashtme të Shqipërisë G. Cakaj, u ngritën pretendimet, gjithashtu shumë të diskutueshme, për sjelljen e një diplomati krejt tjetër. Pikërisht atëherë z. Ambasador premtoi të merrej me këtë çështje, premtim, i cili u përmbush. Vërejtje në adresë të këtij punonjësi nuk pati dhe ai u largua me sukses nga vendi pas disa muajsh, duke përfunduar shërbimin e tij.
Sa i përket z. Krivosheev, pasi ai u diagnostikua me COVID-19 në fillim të nëntorit 2020, në përputhje me protokollin mjekësor, u fut në vet-izolim për dy javë me anëtarët e familjes së tij, duke respektuar rreptësisht karantinën e përcaktuar dhe u rikthye për të punuar vetëm pasi kaloi dy teste negative. Ai nuk ka patur kontakte të jashtme, përveç vizitës në institucionet mjekësore për të kaluar testet e thëna më lart.
Ne besojmë se akuzat kundër tij janë të pabaza. Në sfondin e kësaj, sigurimet e palës shqiptare për përpjekjen për zhvillimin e marrëdhënieve miqësore ngrenë dyshime.
Gjithashtu, drejtojmë vëmendjen tuaj te fakti se, në përputhje me praktikën diplomatike ndërkombëtare, emrat e punonjësve të misioneve diplomatike të shpallur “persona non grata” nuk i komunikohen publikut. Kjo është, ndër të tjera, një nga detyrimet e vendit pritës, me qëllim ruajtjen e sigurisë personale të diplomatëve dhe anëtarëve të familjes së tyre. Publikimi i emrave mund të ndodhë, vetëm pasi punonjësi është larguar nga vendi pritës”.

Të fundit

Kuvendi shkarkon Metën me 104 vota pro

Me 104 vota pro dhe 7 kundër, Kuvendi i Shqipërisë ka miratuar raportin me gjetjet e shkeljeve të presidentit Ilir Meta nga Komisioni Hetimor. Kreu i Kuvendit Gramoz Ruçi tha se dy vota kanë qen

Bisedimet Kosovë – Serbi, me 15 qershor

Bashkimi Evropian tha të mërkurën se takimi i radhës ndërmjet Kosovës dhe Serbisë në kuadër të bisedimeve për normalizimin e marrëdhënieve ndërmjet tyre, do të mbahet me 15 qershor në

Diskutohet për Procesin e Berlinit

Nën drejtimin e ministrit të jashtëm të Gjermanisë, Heiko Maas, zhvillohet të martën, 8.6. konferenca e ministrave te jashtëm të Ballkanit Perëndimor, në kuadër të Procesit të Berlinit.

Mbi 1 mijë raste aktive në Kosovë

Instituti Kombëtar i Shëndetësisë Publike njofton se aktualisht në vend janë një mijë e 74 persona me virusin COVID-19 aktiv. Që nga fillimi i pandemisë e deri tani janë infektuar 107 mijë

1 mijë e 822 raste aktive me COVID-19

Instituti Kombëtar i Shëndetit Publik bën të ditur se numri total i rasteve pozitive është 107,447 raste nga 614,090 persona të dyshimtë në virusin SARS-CoV-2 dhe 2,243 raste të vdekjes. Num

Përfundon epoka 12 vjeçare e Netanyahut

Partitë e opozitës izraelite kanë arritur një marrëveshje për të formuar një qeveri të re që do t’i jepte fund mandatit 12-vjeçar të Benjamin Netanyahu si kryeministër. Yair Lapid, udh

Info Tjera