MP Plus http://mediapress.al/wp-content/uploads/2020/10/FB_IMG_1603172661474.jpg

Pse u shua task-forca kundër korrupsionit, sipas shoqërisë civile



Qeveria e Kosovës në mbledhjen e mbajtur të hënën mbrëma, ka votuar për të shuar Departamentin Special Antikorrupsion, i cili funksiononte në kuadër të Prokurorisë Speciale. Për shuarjen e këtij departamenti, në të cilin u investuan dhjetëra miliona euro nga ndërkombëtarët, kritika të forta ka dhënë shoqëria civile. Sipas tyre, task-forca kundër korrupsionit u shua pa analizë dhe në kohën kur kishte nisur të hetonte bashkë partiakët e kryeministrit Avdullah Hoti, e anëtarë të tjerë të qeverisë.

Kosova ka mbetur pa Departamentin Special Antikorrupsion, që funksiononte në kuadër të Prokurorisë Speciale.

Departamenti i krijuar në vitin 2010, e që mori lëvdata nga vendorët e ndërkombëtarët, u shua të hënën mbrëma, me një votim në mbledhjen e Qeverisë.

Vetëm disa orë, para se të bëhej shuarja e këtij departamenti, për të fjalë të mira kishte EULEX-i, që kërkonte që ai të fuqizohej.

Ehat Miftaraj nga Instituti i Kosovës për Drejtësi, thotë se në një shtet normal, nuk duhej të shuheshin mekanizma të tillë brenda natës, pa analizat e duhura.

“Qëllimi kryesor ka qenë se kjo taskforcë ka qenë duke hetuar bashkë partiak të zotit Hoti, bashkë partiak të AAK-së, Nismës, flasim për raste shumë të mëdha, që në bazë të informatave që kemi pasur, këtë javë ka pasur të ndodhin edhe arrestime të profilit të lartë”, deklaroi për RTV Dukagjinin, Ehat Miftaraj.

Miftaraj thotë se ky departament ishte prej të paktëve që kishte treguar rezultate.

“Ka qenë ndër të paktat që ka pas pak integritet dhe ka pas rezultate. Nuk duhet të harruar, kjo taskforcë e ka hetuar Lutfi Hazirin, që ka përfunduar në aktakuzë që është hedhur në pas nga Gjykata, kjo taskforcë ka hetuar djemtë e Isa Mustafës. Kjo taskforcë ka hetuar Pal Lekajn, kjo taskforcë ka qenë duke i hetuar përfaqësuesit e lart të Nismës, ka qenë duke hetuar rastet që shkojnë me dhjetëra miliona euro”, shton më tej Miftaraj.

E Genc Nimoni nga Organizata Çohu thotë se një dokument nga rishikimi funksional i punës së departamentit, nuk rekomandon mbylljen e tij.

“E kemi atje një dokument atje nga rishikimi funksional, i cili nuk rekomandon mbylljen e kësaj zyre, përkundrazi çmon punën e saj dhe gjithashtu jep disa rekomandime se si duhet tutje të avancohet puna e kësaj taskforce”, deklaroi më tej Genc Nimoni.

Në nismën e tij për shfuqizimin e kësaj task-force, kryeministri Hoti nuk kishte pas vetes edhe gjithë kabinetin qeveritar. Para se të ndodhte votimi, kritika kishte ministri i Drejtësisë, Selim Selimi, i cili tha se para mbylljes duhet të bëhen analiza.

Të fundit

Mbi 600 raste të reja dhe 12 të vdekur

Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, janë testuar gjithsej 1.542 mostra të marra nga ShSKUK dhe gjurmimi

Çfarë vendimesh mori qeveria

Qeveria e Republikës së Kosovës, e drejtuar nga Kryeministri Avdullah Hoti, ka zhvilluar mbledhjen e saj të rregullt, të 45-tën me radhë, ku ka shqyrtuar dhe miratuar vendime dhe dokumente të

Borrell: Kishte propozim për shkëmbim territoresh mes Kosovës dhe Serbisë

Përfaqësuesi i Lartë i Bashkimit Evropian për Punët e Jashtme, Josep Borrell ka thënë se para disa muajsh ka pasur një propozim për shkëmbim territoresh ndërmjet Kosovës dhe Serbisë. Në

Pasivizimi i adresave të shqiptarëve po ndryshon strukturën etnike në Luginën e Preshevës

Deputeti shqiptar në Parlamentin serb, Shaip Kamberi thotë se ka vite që Serbia ka nisur pasivizimin e adresave të shqiptarëve që jetojnë në tri komunat jugore, në Preshevë, Medvegjë dhe Bu

Paqartësi rreth imunitetit ndaj COVID-19

Pavarësisht se pacientët që shërohen nga koronavirusi dhe krijojnë antitrupa ndaj sëmundjes COVID-19, që e shkakton ky virus, ata mund të mos jenë imunë nga një infektim i dytë. Në një s

Çfarë do të ndodhë me botën në vitin 2021, sipas The Economist?

Teksa e gjithë bota vijon të jetë nën ankthin e pandemisë Covid-19, me shifrat e infektimeve dhe vdekjeve që vijojnë të shtohen, sytë e njerëzimit janë nga viti i ardhshëm, ku dëshira kry

Info Tjera