MP Plus http://mediapress.al/wp-content/uploads/2021/02/Seanca-Plenare-e-Kuvendit-Te-Kosoves-1-2.jpg

Vazhdon edhe sot përpjekja për zgjedhjen e presidentit



Sot në Kuvendin e Kosovës do të vazhdojë seanca për zgjedhjen e presidentit të vendit, kjo pasi në seancën e së shtunës nuk u arrit të votohet presidenti i ri, sepse dështoi për mungesë të kuorumit.

“Seanca do t’i vazhdojë punimet, më 4 prill në orën 17:00”, tha kreu i kuvendit, Glauk Konjufca.

Në garë për president, Lëvizja Vetëvendosje ka nominuar Vjosa Osmanin. Kundërkandidati i saj është Nasuf Bejta.

Raundi i parë i votimit u përsërit dy herë, pasi në votim nuk morën pjesë 80 deputetë apo dy e treta e deputetëve, numër ky i nevojshëm për t’u konsideruar i konsumuar raundi i parë i votimit.

Në këto dy votime morën pjesë 78, përkatësisht 79 deputetë.

Tre deputetë të Lidhjes Demokratike të Kosovës: Avdullah Hoti, Agim Veliu dhe Driton Selmanaj, pavarësisht se ishin në sallë gjatë votimit, nuk morën pjesë në këtë proces.

Sipas Kushtetutës, në rrethin e parë të votimit duhet që të paktën 80 deputetë të marrin pjesë në votim, në të kundërtën votimi përsëritet.

I njëjti rregull për pjesëmarrjen e 80 deputetëve vlen edhe për raundin e dytë të votimit.

Të pranishëm në sallë ishin 82 deputetët të Lëvizjes Vetëvendosje, të Lidhjes Demokratike të Kosovës dhe ata të komuniteteve joserbe. Po ashtu e pranishme në seancë ishte edhe Albena Reshitaj nga Aleanca për Ardhmërinë e Kosovës.

Në nisje të seancës ishte i pranishëm edhe kreu i Partisë Demokratike të Kosovës, Enver Hoxhaj dhe deputeti Bedri Hamza, por më pas ata lëshuan sallën.

Deputetët e tjerë të AAK-së, të PDK-së dhe të Listës Serbe, i bojkotuan punimet e kësaj seance.

Shefja e Grupit Parlamentar të LVV-së, Mimoza Kusari-Lila, pas përfundimit të seancës, tha se Kosova mund të përballet me zgjedhje të reja, për fajin, siç tha ajo, të tre deputetëve të LDK-së, që nuk morën pjesë në votimin për presidentin, transmeton REL.

“Ndoshta kanë mundësi të reflektojnë. Po flasim për disa orë sonte dhe deri nesër pasdite. Shpresojmë se do të ketë reflektim nga ata deputetë dhe nga ata që nuk ishin prezentë në sallë”, tha Kusari-Lila.

Të fundit

Merkel pranoi dozën e parë të vaksinës AstraZeneca

Kancelarja gjermane Angela Merkel pranoi dozën e parë të vaksinës AstraZeneca kundër koronavirusit të ri (COVID-19). Lajmin e bëri të ditur zëdhënësi qeveritar Steffen Seibert në Twitter,

OBSH: Po i afrohemi shkallës më të lartë të infeksionit

Kreu i Organizatës Botërore të Shëndetësisë, Tedros Adhanom Ghebreyesus, tha se rastet e koronavirusit vazhdojnë të rriten globalisht me ritme shqetësuese, ndërsa vuri në dukje se numri i r

14 të vdekur dhe 520 raste të reja me koronavirus

Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, si dhe laboratoret publike dhe private me metodën RAT, janë testuar

Ja kur kthehen nxënësit në shkolla

Minsitrja e Arsmit, Arbërie Nagavci, ka bërë të ditur se nga e hëna të gjithë nxënësit do të iu rikthehen bankave shkollore. Ajo tha se mësimi do të vazhdojë pa kufizime për pjesëmarrje

Nis vaksinimi antiCOVID-19 për personat nga 75-79 me sëmundje kronike

Komiteti për vaksinim kundër COVID-19 njofton se nga sot për disa ditë me radhë, në Prishtinë dhe në të gjitha komunat, do të fillojë vaksinimi i personave të moshës 75-79 vjeç me sëmun

Zbulimi amerikan: Tërheqja nga Afganistani mund të përbëjë “rrezik të konsiderueshëm”

Zyrtarë të lartë të zbulimit amerikan thanë se plani për të tërhequr trupat nga Afganistani mund t’u japë grupeve terroriste si al-Kaida dhe Shtetit Islamik një mundësi për të rigjeneru

Info Tjera