MP Plus http://mediapress.al/wp-content/uploads/2021/01/biden.jpg

Vizioni i Presidentit Joe Biden për politikën e jashtme



Presidenti amerikan Joe Biden do të përcaktojë tonin e politikës së tij të jashtme gjatë fjalimit të parë madhor të enjten në Departamentin e Shtetit.

Megjithëse komentet e tij mund të mos përshkruajnë hollësisht qasjen e re të Shteteve të Bashkuara ndaj kundërshtarëve si Kina, Koreja e Veriut, Rusia dhe Irani, zoti Biden pritet të paraqesë vizionin e tij për të intensifikuar bashkëpunimin me aleatët për t’u përballur me sfidat e përbashkëta globale.

Të mërkurën, zëdhënësja e Shtëpisë së Bardhë Jen Psaki tha gjatë një konferencë shtypi se zoti Biden do të flasë gjerësisht por nuk do të ofrojë hollësi konkrete mbi politikën e jashtme. Zonja Psaki tha se presidenti beson se Shtetet e Bashkuara duhet të bashkëpunojnë ngushtë me aleatët lidhur me Kinën.

Zëdhënësi i Departamentit të Shtetit Ned Price i bëri jehonë këtij qëndrimi gjatë një konference për shtyp po të mërkurën.

“Politika jonë nuk ka ndryshuar,” u tha zoti Price gazetarëve.

Në përgjigje të një pyetjeje nga Zëri i Amerikës, Sekretari amerikan i Shtetit, Anthony Bliken u tha gazetarëve javën e kaluar se marrëdhënia mes Shteteve të Bashkuara dhe Kinës është “pa dyshim më e rëndësishmja që kemi në botë”.

Kina

Fjalimi i zotit Biden të enjten vjen ndërsa Shtetet e Bashkuara po shqyrtojnë një qasje të re ndaj Kinës, ku zyrtarët thanë se Uashingtoni po ndjek një politikë të “përmbajtjes strategjike”.

“Ne e dimë që Kina është e angazhuar në një sërë veprimesh që dëmtojnë punonjësit amerikanë, pengon avantazhin tonë teknologjik, kërcënon aleancat tona dhe ndikimin në organizatat ndërkombëtare. Kina është gjithashtu e përfshirë në shkeljen e të drejtave të njeriut,” tha zëdhënësi i Departamentit të Shtetit Ned Price këtë javë.

“Prandaj ne do t’i kundërvihemi veprimeve agresive të Kinës, do të mbështesim përparësitë tona kryesore ushtarake, të mbrojmë vlerat demokratike, të investojmë në teknologji të përparuara dhe të rivendosim partneritetet tona jetike të sigurisë,” shtoi ai.

Rusia

Presidenti i ri amerikan ka folur në telefon me disa udhëheqës të huaj që nga marrja e detyrës, përfshirë aleatët tradicionalë të Shteteve të Bashkuara dhe Presidentin rus Vladimir Putin.

Gjatë asaj telefonate, Shtëpia e Bardhë thotë se zoti Biden ngriti shqetësime në lidhje me arrestimin e figurës së opozitës Alexei Navalny, përfshirjen e Moskës në një fushatë masive spiunazhi kibernetik dhe ndërhyrjen në zgjedhjet e Shteteve të Bashkuara.

Por presidenti i ri u përpoq gjithashtu që të lërë hapësirë për diplomaci, duke rënë dakord për zgjatjen e afatit të traktatit të ri START, një marrëveshje historike të armëve bërthamore me Rusinë

Të mërkurën, Shtetet e Bashkuara dhe Rusia njoftuan se kishin zgjatur afatin e traktatit për pesë vjet, duke vendosur masa kontrolli për armët midis dy arsenaleve më të mëdha strategjike bërthamore në botë.

“Ne e kemi të qartë se çfarë sfidash paraqet Rusia për Shtetet e Bashkuara dhe botën,” tha Sekretari i Shtetit, Blinken në një deklaratë.

Ai shtoi se Shtetet e Bashkuara “do të punojnë për ta vënë Rusinë para përgjegjësisë për veprime agresive si edhe shkeljet e të drejtave të njeriut, në një bashkërendim të ngushtë me aleatët dhe partnerët tanë.”/ VOA

Të fundit

Nis shpërndarja e materialit kryesor zgjedhor

Komisioni Qendror i Zgjedhjeve ka nis shpërndarjen e materialit kryesor zgjedhor. Në mesin e tyre edhe fletëvotimet për zgjedhjet që do të mbahen nesër. Pranë zyrave qendrore të KQZ-së, nën

Cilat masa kufizuese do zbatohen në zgjedhje?

Komisionerët dhe vëzhguesit e zgjedhjeve lokale të 17 tetorit në Kosovë do të duhet të jenë të vaksinuar apo të kenë dëshminë se janë negativë në coronavirus apo se e kanë kaluar sëm

Çmimi Nobel i këtij viti shihet si mburojë për gazetarët rusë

Lajmi nga Oslo se kryeredaktori i gazetës ruse Novaya, Dmitry Muratov, e ka fituar Çmimin Nobel për Paqe më 2021, vjen në kohën kur gazetaria e pavarur është duke u përballur me presion në r

Alt: Fjalët ngushëlluese të BE zhgënjejnë më tej Ballkanin

Deputetja e Bundestagut e FDP-së, Renate Alt, anëtare e Komisionit të Jashtëm të Bundestagut dhe raportuese e grupit parlamentar të liberalëve për Europën Lindore e Juglindore në një pronon

Draghi, Scholz apo Macron? Kush do të jetë lideri i ri i Evropës

Angela Merkel e dominoi Evropën. Ajo ishte de fakt një udhëheqëse e kontinentit në njëperiudhë krize. Për 16 vite me radhë Merkel e ka përdorur pragmatizmin e saj të kujdesshëm dhe të qet

Kongresmenë amerikanë letër Bidenit për tensionet e fundit mes Kosovës dhe Serbisë

Shtatë Kongresmenë të SHBA-së i kanë dërguar një letër Presidentit Joe Biden dhe Sekretarit të Shtetit, Antony Blinken për tensionin e fundit të krijuar mes Kosovës dhe Serbisë mbi recipr

Info Tjera