Opinione & Intervista http://mediapress.al/wp-content/uploads/2020/11/trump.jpeg.jpg

Çfarë mund të bëjë Donald Trump kur të largohet nga Zyra Ovale



Shkruan: Rainer Zitelmann “National Interest”

Edhe nëse Donald Trump dhe shumë nga ndjekësit e tij, nuk duan ta besojnë në këtë moment, pas fitores së Xho Bajden në zgjedhje dhe inaugurimit të tij në detyrë më 20 janar 2021, presidenti aktual do të jetë sërish një qytetar i thjeshtë. Atëherë, çfarë do të bëjë ai më pas?

A do të fillojë ai të hedhë bazat për një rikandidim në vitin 2024?

Nga njëra anë, Trump ka marrë më shumë vota në këto zgjedhje, sesa çdo lloj parashikimi që u bë mbi të. Pa pandeminë e koronavirusit, ai ndoshta do të ishte rizgjedhur në detyrë. Në kushtet aktuale, nuk ka asnjë kandidat tjetër republikan, që mund të kishte një shans kundër tij në garën brenda-partiake në vitin 2024 .

Nga ana tjetër, Trump ka kundërshtarë të vjetër përbrenda Partisë Republikane, shumë prej të cilëve janë përmbajtur nga kritikat vitet e fundit, por kjo do të ndryshojë. Nuk do të duhet shumë që republikanët këmbëngulës anti-Trump të nisin të ngrenë zërin, dhe në skenë të shfaqen kandidatë të rinj.

Përveç kësaj, është e paqartë nëse Trump dëshiron të rikandidojë. Në vitet e para të presidencës së tij, ai të krijonte shpesh përshtypjen se nuk i pëlqente të ishte president. Ai post shoqërohet me shumë kufizime personale, dhe kritika të vazhdueshme publike. Pra ai mund të mos dëshirojë të kandidojë sërish. Gjithashtu nuk është e qartë se si do të zhvillohen të gjitha proceset gjyqësore, që së shpejti do të ngrihen kundër tij.

A do të përqendrohet tek bizneset e tij?

Perandoria e tij e biznesit nuk ka ecur mirë për shumë vite me radhë. Sipas “The New York Times”, ai nuk ka paguar asnjë taksë federale mbi të ardhurat për një dekadë të tërë. Trump i ka mohuar pretendimet e gazetës, por nga ana tjetër ka refuzuar të bëjë publike deklaratat e tij tatimore.

Ndërkohë mbeten dyshimet nëse ai vërtet është kaq i pasur, dhe një biznesmen i suksesshëm siç ka pohuar gjithmonë. Këto dyshime janë ushqyer nga një mosmarrëveshje e vazhdueshme midis Trump dhe “Forbes”, pasi revista nuk ishte dakord që të vlerësonte pasurinë e Trump, aq sa pretendon ky i fundit.

Trump ka dhënë 2 shifra të ndryshme për pasurinë e tij, njëra 6 miliardë dhe tjetra 3.5 miliardë dollarë. Trump e ka ekzagjeruar edhe me suksesin e tij të pretenduar në sektorin e pasurive të patundshme. Në shumë raste, vaniteti ka dëmtuar investimet e tij.

A do të kthehet ai në media dhe në sektorin e showbizit?

Më shumë se çdo gjë tjetër, Trump është një argëtues . Vetëm shou i tij televiziv “The Apprentice” i dha një fitim total prej 427.4 milionë dollarësh. Por është e vështirë të imagjinohet që Trump t’i kthehet shfaqjeve televizive pas punës së tij si president i SHBA-së. Gjithsesi, ka të ngjarë që ai të gjejë sponsorë, me të cilët mund të ndërtojë një perandori mediatike.

A do të shkruajë ai kujtimet e veta, dhe të mbajë leksione nëpër botë?

Trump mund të ndjekë ndoshta rrugën e presidentëve të tjerë para tij:Të shkruajë kujtimet e tij, dhe të mbajë leksione. Ish-presidentët amerikanë, fitojnë shuma të mëdha parash duke bërë pikërisht këtë gjë. Barak Obama nuk ishte i pasur para se të merrte detyrën. Tani thuhet se ai dhe shoqja kanë marrë paradhënie gjithsej 65 milion dollarë për librat e tyre të parë, pasi u larguan nga Shtëpia e Bardhë.

Sipas një llogaritje të vitit 2017 nga Universiteti Amerikan, Bill Klinton e rriti pasurinë e tij me 6.150 për qind pas largimit nga detyra, kryesisht falë botimit të kujtimeve dhe fjalimeve nëpër vende të ndryshme të botës.

Të fundit

Rregullimi i shtretërve të lumenjëve duhet të jetë prioritet i Qeverisë së re

Shkruan. Msc Skender Berisha Java e fundit me reshjet që solli, ishte njëra ndër javët me ditët më të veshtira për shumë familje, ngase me veti solli edhe vërshimin që nuk mbahej mend edhe

Prova e Demokracisë në ShBA, leksion për botën demokratike

Shkruan: Msc Skender Berisha Mesazhi i dërguar nga ngjarja e djeshme në vendin më demokratik në botë, vendi me një prosperitet, me një histori suksesi, vendi që i ka dhënë kurajo për zhvill

Komunikimi me telefon e vetmja mënyrë e mbetur si lidhje mes familjeve

Shkruan: Msc Skender Berisha Viteve të fundit, por mundë të themi se që nga paslufta, në Kosovë afërsia mes familjeve është në rënie, në mos është duke shkuar drejt shkëputjes. Ky reali

Maas për Ballkanin Perëndimor: Jemi të fundit që frenojmë në BE

DW: Miratimi i buxhetit të ri dhe ndihmave miliardëshe për Coronën megjithë dallimet e debatet ishte sukses i presidencës gjermane të BE. Por për çështjen e vaksinimit, shumë europianë pye

Pakoja e dytë e rimëkëmbjes ekonomike domosdoshmëri për fillim vitin 2021

Shkruan: MSc Skender Berisha Nevojat dhe kërkesat e qytetarëve për ndihmë nga shteti nuk kanë të ndalur. Pakoja fiskale aktuale e cila u miratua në parlament filloi së zbatuari me vonesë, në

Maqedonasit duhet t’u kërkojnë falje shqiptarëve!

Shkruan: Bajramali Selimi KUJTESA E VITEVE TË 80-ta, DHE SHQETËSIMI I VITIT 2020! Kujtesa ka dhimbje, por është mirë ta kujtosh! Shqiptarët në Maqedoninë e Veriut kanë kaluar shumë keq në v

Info Tjera