Opinione & Intervista http://mediapress.al/wp-content/uploads/2020/07/20200727_075710.png

Ndërtimi i shtëpive të bëhet në proporcion me banorët



Shkruan: Msc. Skender Berisha

Dekadat e fundit në Kosovë bazuar në të dhëna të shumta vërehet numri i vogël i lindjeve, por janë edhe disa faktorë tjerë që në kontinuitet kanë pasur impakt në zvogëlimin e popullsisë.

Përkundër rënies së numrit të banorëve, që sigurisht vitin tjetër pas regjistrimit të popullsisë do të kemi numrin e saktë të banorëve rezident në Kosovë, vërejmë ndërtimet e shtëpive shumë katëshe.

Në Kosovë ka akoma shtëpi që janë ndërtuar shumë vite më parë dhe janë gjysmë të banuara, disa të përfunduara por akoma s’janë të banueshme në mungesë të banorëve, disa të tjera të ndërtuara shumë kate por në to jetohet vetëm se pak javë gjatë vitit, dhe shumë të tjera me dhoma të shumta që nuk vizitohen me muaj të tërë.

Është interesante se këto ndërtime shumë katëshe, me tre apo katër anëtarë të familjes vazhdojnë të jenë pjesë e infrastrukturës tonë.

Te ligji për ndërtimin, projektet sipas qëllimit dhe nivelit të përpunimit ndahen në:
– paraprojekti
– projekti ideor
– projekti kryesor
– projekti zbatues
– projekti i objektit të zbatuar.

Gjithashtu te ligji për ndërtimet kemi një nen ku flet për metër katror që lejohet të ndërtohet për shtëpi banimi, por mungon diçka aty!.

Si rregull i përcaktuar nga ligjvënësit është lënë anash një detaj shumë i rëndësishëm, i pa specifikuar, se kur lejohet të ndërtohet deri në atë masë.

Një këshillim me aplikuesit e ndërtimit nga zyrtarët komunal të drejtorive përkatëse do t’i ndihmonte qytetarët të shqyrtojnë proporcionalisht me familjen dhe zhvillimin e saj edhe ndërtimin.

Pra, të paraqiten para aplikuesit ide, dhe më pas qytetari të vazhdojë me arkitektin duke e pasur para vetes propozimin nga zyrtarët komunal.

Pra, kjo alternativë do të duhej të ishte e specifikuar në ligjin për ndërtimin, të ishte si kusht që të kalohej edhe në këtë fazë dhe më pas të vazhdohej në procedurat tjera.

Kjo alternativë do të shërbente për qytetarin, pasi do të kishte para vetes një alternativë paraprojektit dhe do të ishte e përshtatshme të vendosej para projektit ideor.

Te paraprojekti konsultimi me ekspertët e fushës, socilogët dhe psikologët do të ishte hapi i parë për një aplikues i lejes së ndërtimit.

Ekspertët e fushës që do të duhej të ishin punonjës të Komunës përkatëse (të urbanizmit), sociologë dhe psikologë që njëkohësisht do të ishin të mirëseardhur edhe për stafin.

Ata do të ndihmonin me këshilla aplikuesit për leje ndërtimi, dhe në proporcion me numrin e familjarëve do të rekomandoheshin për më tutje.

Edhe sociologët bazuar me trendin e ndërtimit dhe regjioneve do të propozonin dhe këshillonin stafin por edhe aplikuesit për idenë më të mirë për ndërtim.

Duke ecur me këtë ritëm të tanishëm, qytetet tona do të mbushen me ndërtime dhe gjysmë ndërtime, që asnjëherë nuk përfundojnë dhe mbesin si gërmadha që edhe për syrin tonë japin vrazhdësi.

Duke ndërtuar shtëpi të mëdha dhe duke mos shfrytëzuar ato, krijohen vetëm shpenzime koti, që kanë kosto të mirëmbajtjes, dhe pas disa viteve amortizimi i vie koha e rrënimit.

Si qytetarë evropian, me gjithë këta arkitektë, me gjithë këto ide dhe plane, duhet të bëjmë një ndryshim në qasjen ndaj ndërtimeve, të mos ndërtojmë sa për t’u dukur, por të ndërtojmë shtëpi mesatare dhe sa më bukur.

Të fundit

Si mundet Biden në ringjalljen e Evropës Lindore

Shkruan: Janusz Bugajski Presidenti i zgjedhur Joe Biden është i përkushtuar për të rivendosur marrëdhëniet trans-Atlantike, sepse një aleancë më e bashkuar mund të trajtojë më mirë një

Detyra kryesore e Presidentit të zgjedhur Biden

Shkruan: Blerim Shala Me 20 janar të vitit të ardhshëm, Joseph Biden do të inaugurohet Presidenti i 46-të me radhë në historinë 244 vjeçare të Shteteve të Bashkuara të Amerikës. Edhe pse

Imuniteti ndaj Covid-19 do fitohet gradualisht

Shkruan: Ermand Mertenika – Inxhinier  biomjekësor Megjithëse në Covid-19 Corona është një virus, i cili po bashkëjeton me ne dhe fatmirësisht mendoj që qytetarët do e fitojnë gradualis

Çfarë mund të bëjë Donald Trump kur të largohet nga Zyra Ovale

Shkruan: Rainer Zitelmann “National Interest” Edhe nëse Donald Trump dhe shumë nga ndjekësit e tij, nuk duan ta besojnë në këtë moment, pas fitores së Xho Bajden në zgjedhje dhe inaugurim

Bideni – shpresë për BE

Shkruan: Ralph Sina (ARD) Sa keq që Ursula von der Leyen nuk hap shishet e shampanjës. Presidentja e Komisionit të BE i ka të gjitha arsyet për ta tundur duke festuar këtë fundjavë. Paraardhë

Drejtësia ndërkombëtare për luftën në Kosovë

Shkruan: Kreshnik Hoxha Unë si një student i fakultetit të drejtësisë dhe si një i ri nga Kosova, jam tejet i zhgënjyer dhe i brengosur për faktin që“përgjegjësitë e kësaj lufte “ në

Info Tjera