Mbrapa

Talenti shqiptar habit Bayernin me performancën e jashtëzakonshme (Video)

Publikuar: 09.01.2018

Bayern Mynchen ka zhvilluar sot një miqësore për fazën përgatitore të dimrit duke fituar me shifrat 5-3 kundër ekipit të Sonnenhof Grossaspach.

E veçanta e kësaj sfidë është se për bavarezët ka debutuar një 18-vjeçar me origjinë shqiptare, që për më shumë ka lënë gjurmët e tij në këtë takim.

Quhet Meritan Shabani dhe në të kaluarën është grumbulluar me ekipin e parë herë pas here edhe nga Carlo Anchelotti e Pep Guardiola. 

Në fakt është spanjolli që aktualisht drejton Manchester City-n, Guardiola, ai që e mori për herë të parë në ekip, kur Meritani ishte vetëm 15-vjeç.

Së fundmi mesfushori nuk preferohet më vetëm në stërvitje pasi trajneri Jup Heynkes e ka aktivizuar sot në ndeshje duke e zëvendësuar me Arjen Rooben. 

Shabani e ka justifikuar më së miri besimin e gjermanit pasi në minutën e 50-të, ekzaktësisht 4 minuta pas zëvendësimit, dhuroi një asist që u shndërrua në gol nga Myller.

Meritan Shabani është shqiptar me origjinë nga Kosova që deri më tani është grumbulluar vetëm 1 herë me ekipin U-18 të Gjermanisë

/MediaPress