Ademi e Duka japin premtimet e mëdha për vitin 2021

Presidenti i “Federatës Shqiptare të Futbollit” Armand Duka dhe Presidenti i “Federatës të Futbollit të Kosovës” Agim Ademi ishin të ftuarit e autores dhe moderatores Luana Vjollca në Shiko Kush LUAN.

Para se të kalonin në sfidën e tyre, dy presidentët duhet të bënin  secili nga 5 premtime të vërteta ose shaka dhe të vërteta mbi kombëtaret e Shqipërisë dhe Kosovës.

Premtimet e z. Duka ishin këto:

-“Shqipëria jo vetëm që do marrë pjesë ne finalet e Botërorit në Katar, por do jetë pjesëmarrëse edhe në gjysmëfinalet e Katarit!

-Mesi ka deklaruar se do ta mbylli futbollin me ekipin e Vllaznisë!

-Madje e ka dëgjuar edhe Ronaldo, po mendohet të vijë me Tiranën!

-Laçi që do të marrë pjesë në kupat e Evropës, pretendon që do të jetë në gjysmëfinalet e Europa League.

-Numri i vajzave që luajnë futboll në vitin 2021 do dyfishohet!

Premtimet e z. Ademi ishin këto:

-Do ta bëjmë kupën Nënë Tereza që të marrin pjesë të gjitha ekipet shqiptare dhe kosovare që jemi 1.

-Do të themi që Kosova prapë edhe pse do bëhet ekipi, mund të themi kryesor në Ballkan, sigurisht do të shërbejë për ekipin kombëtar dhe do të japë gjithmonë futbollistë sa më shumë që është e mundur, pasi kemi mjaft.

-Do ta bëjmë shumë shpejt një stadium nacional në Kosovë, i cili do të jetë po ashtu i bukur si stadiumi në Tiranë, me 30.000 vende.

-Do ta bëjmë kupën sigurisht që po, presim që shtetet tona ta bëjnë “Shqipërinë e madhe” dhe na duhet një ligë. Unë dhe Duka mund ta përfundojmë këtë ligë për dy orë.

-Në vitin 2023, presidenti Duka do të konkurrojë për President të UEFA-s.