Sport http://mediapress.al/wp-content/uploads/2020/10/zidane-rueda-prensa.jpeg

Gjashtë mëkatet e Zinedine Zidane



Real Madrid nuk ka arritur të fitojë trofeun e tyre të parë këtë sezon pas eliminimit nga Superkupa e Spanjës me Zinedine Zidanen që nuk ka arritur të zgjidhë disa çështje që mund të ndihmojnë Los Blancos që të përmirësohen në fushë.

Dyshimet qëndrojnë mbi shanset e Real Madridit për të fituar një trofe në 2020/21, pasi ekipi gjithashtu ka hasur në vështirësi në La Liga ku Atletico Madrid duket dominuese.

Le të hedhim një vështrim gjashtë çështjeve që Zidane ka këtë sezon.

1.Vështirësi në rotacion
Pas disa rezultateve të këqija në nëntor, Zidane ka zgjedhur të njëjtën formacion fillestar pa ndryshime edhe pse lojtarët paraqiten çdo tre ditë për shkak të ndeshjeve të shumta.

Ndryshimet e francezit kanë pasur sukses në të kaluarën dhe e mbajtën ekipin të freskët dhe të aftë për të garuar si në Ligën e Kmapionëve ashtu edhe në La Liga.

2.Pak besim te të rinjtë
Lojtarëve të tillë si Martin Odegaard, Vinicius Junior, Eder Militao dhe Rodrygo Goes nuk kanë pasur minuta në dy muajt e fundit.

Kjo është një goditje serioze për besimin e tyre, pasi Zidane ende nuk ka gjetur një mënyrë për t’i integruar ata në ekip.

3.Futboll shumë i parashikueshëm
Real Madridi është bërë një ekip relativisht i lehtë për t’u lexuar, pasi Los Blancos nuk kanë elementin e befasisë për sa i përket ndryshimeve taktike para ose gjatë ndeshjeve.

4.Ndryshimet e vona në ndeshje
Kampionët në fuqi të La Liga po hasin në vështirësi në kthimin e ndeshjeve kur kundërshtarët kalojnë në epërsi.

Kjo është kur ata kanë nevojë për një shtytje nga stoli, megjithatë Zidane shpesh reagon shumë vonë me ndryshimet e tij, ku zëvendësuesit që shkelin në fushë, futen në minutat e fundit të ndeshjeve.

5.Mungesa e përqendrimit ndaj ekipeve të vogla
Real Madrid ka mposhtur Barcelonën, ​​Atletico Madridin dhe Sevillën dhe ka lënë pikë kundër Cadiz dhe Elche të sapo-promovuar, Alaves dhe Valencia.

Paraqitjet e tyre të dobëta kundër ekipeve të vogla mund të fajësohen për mungesën e përqendrimit ose paaftësinë e tyre për të shënuar ndaj skuadrave që mbrohen thellë.

6.Sulmi dhe mbrojtja mund të përmirësohen
Thibaut Courtois ka qenë i shkëlqyeshëm në pjesën e parë të sezonit në La Liga dhe e ka shpëtuar Real Madridin disa herë.

Numrat e Los Blancos në sulm dhe mbrojtje nuk janë jashtëzakonisht mbresëlënës, por mund dhe duhet të përmirësohen nëse duan të garojnë për tre trofetë e mbetur.

Të fundit

Pogba drejtë rikthimit tek Juventus

Emri i Paul Pogba lidhet me Juventusin në çdo seksion të merkatos. Mesfushori francez ka luajtur për bardhezinjtë në vitet 2012-2016, periudhë gjatë së cilës fitoi 8 trofe. Me ekipin italian

Rashicës i bie vlera

Faqja e specializuar për transferimin e futbollistëve ‘Transfermarkt’ ka publikuar vlerat e rifreskuara për disa futbollistë. Milot Rashica vazhdon të ketë rënje të vlerës, nga 12 milion

Chelsea nis bisedimet për transferimin e Haaland

Chelsea dëshiron që të transferojë Erling Haalandin në këtë afat kalimtar veror. The Blues kanë filluar kontaktet me përfaqësuesit dhe duan t’i marrin shërbimet e tij. Sipas asaj që rapo

Wenger zbulon kombëtaren super favorite për Euro 2020

Ish-trajneri historik i Arsenal, Arsene Wenger, ka shpjeguar se cila kombëtare është favorite për Euro 2020 “Franca do të jetë super favorite për shumë arsye. Kryesorja është se ka fituar

​Conte nis bisedimet me disa skuadra nga ishulli

“Sky Sport” Italia tani raporton që Antonio Conte është në negociata të avancuara për t’u bërë menaxher i Tottenham Hotspur. Conte është një agjent i lirë pasi përfundoi kontratën

Çka po ndodh me Sergio Ramos?

Sergio Ramosi nuk mori pjesë në prezantimin e fanellave të reja të Real Madridit, që është një shenjë tjetër se ai është buzë largimit nga klubi. Real Madridi e shpalosi edhe zyrtarisht t

Info Tjera