Futboll http://mediapress.al/wp-content/uploads/2018/03/pogba-mourinho.jpg

United ultimatum francezit Pogba

Publikuar: 10/03/2018

Distanca në raportet mes Jose Mourinhos dhe Paul Pogba po bëhet gjithnjë e më e madhe.

Tashmë trajneri portugez nuk beson më te mesfushori francez, e zërat për largimin e menjëhershëm të tij nga “djajtë e kuq” janë shtuar shumë kohët e fundit.

Madje është arritur deri aty, sa drejtuesit e klubit anglez të shprehen totalisht në favor të Mourinhos.

E përditshmja britanike “The Independent” deklaron se, drejtuesit e Manchester United i kanë dhënë një ultimatum futbollistit: ose të jetë dakord me Mourinhon, ose të largohet.

Te Manchester United, Mourinho vjen mbi të gjithë yjet e skuadrës, me luzitanin që rinovoi me këtë skuadër deri në vitin 2020.

Situata e Pogba është shumë e komplikuar.

24-vjeçari mbërriti në “Old Trafford” përpara dy sezonesh, për vlerën e 125 milionë eurove, duke u bërë në atë kohë blerja më e shtrenjtë në futboll.

Tashmë duket se lojtari po e mendon vërtet një të ardhme larg Manchester United dhe dy nga opsionet për të janë rikthimi te Juventusi ose kalimi te Reali i Madridit.

Në rastin e klubit spanjoll, vet Raiola nuk e ka përjashtuar mundësinë e realizimit të këtij transferimi.