Film https://mediapress.al/wp-content/uploads/2021/03/berlin1200.jpeg

Festivali i Filmit, Berlinale 2021 në modusin e pandemisë



Berlinalja, festivali i filmit në Berlin, ka shumë rituale. Normalisht pavarësisht dimrit dhe ditëve të ftohta të shkurtit, dashamirësit e kinematografisë gjatë periudhës së festivalit mbushin rrugët përreth godinës së festivalit duke pritur të shohin yjet e kinematografisë që zbresin nga limuzinat me shpresën se mund të marrin ndonjë autogram po mund të bëjnë ndonjë selfie me ta.

Pra festivali krijon atmosferë të veçantë.

Këtyre u shtohet dhe ushtria e gazetarëve, që nxitojnë nga një konferencë shtypi në tjetrën dhe përpiqen të intervistojnë aktorët e famshëm, që janë të pranishëm në Berlinale.

Të gjitha këto aktivitete sivjet nuk do të ndodhin për shkak të kufizimeve prej pandemisë.

Festivali nis sivjet pjesërisht nga 1 marsi. Fituesit e kupës Ariu i Artë do të shpallen më 5 mars.

Berlinalja 2021 me dy evente
Organizatorët kanë vendosur, që festivali të zhvillohet në dy evente të veçanta.

“Industry Evenet”, që do të jetë online dhe i kufizuar vetëm me pjesëmarrjen e kineastëve dhe gazetarëve nga 1 deri më 5 mars.

Dhe “Summer Special” me shfaqjet publike të filmave nga 9 deri më 20 qershor.

Industry Event në radhë të parë do të jetë një platformë alternativë për tregun europian të filmit (EFM), që krahas Kanës dhe American Film Market është ndër tre pikëtakimet më të rëndësishme të degës ndërkombëtare të filmit dhe medias.

Meqënëse këto veprimtari kanë një rend fiks në kalendarin e industrisë së filmit, duhet që Berlinalja të zhvillohet në tremujorin e rarë të vitit.

„Organizimi i të gjithë festivalit në qershor sivjet për të mundësuar sinergjinë e zakonshme të Berlinales me publikun, do të ishte shumë vonë dhe jo e favorshme për degën e kinematografisë”, shpjegon zëdhënësja e shtypit të Berlinales, Frauke Greiner.

Epiqendra e kineastëve
Por edhe pa ushtrinë e tifozëve të filmit java e parë e festivalit në fillim të marsit është mjaft e ngjeshur në Berlinale.

Mbi 470 filma nga 60 vende janë në listën e punës përgjatë një jave.

Të gjithë janë regjistruar në versionin digjital të EFM.

Kësisoj ky format është tërheqës dhe josh mjaft aktorë, sepse me këtë sistem nuk ka kosto udhëtimi.

Gati 200 sipërmarrje marrin pjesë për herë të parë në festival, mësohet në faqen e internetit të European Film Market (Tregu Europian i Filmit).

Numri i filmave të përzgjedhur si konkurrues sivjet është zvogëluar. Ndonëse në seksionet e ndryshme të programit të festivalit ka shumë filma, që vështirë se mund t’i shohë një njeri brenda ditës, në faqen zyrtare të festivalit janë përzgjedhur vetëm 15 filma që konkurrojnë për ariun e artë.

Normalisht në Berlinale numri i filmave konkurrues është rreth 20.

Të fundit

Seriali i Netflix-i që do t’ju bëjë të ndiheni si detektiv

Mat gjendet në mes të një sherri dhe si pasojë vret shokun e vëllait të tij. Dënohet me katër vite burg për vrasje nga pakujdesia dhe kur del rinis jetën. Në momentin që mendonte se gjith

Filmi i Etleva Kupsit në festivalin Ndërkombëtar në Kanada

“Rastësia Qëllimi i Zotit”, filmi me autore Etleva Kupsit do të jetë pjesë e Toronto International Women Film Festival në Kanada, një organizim që vlerëson punët e kineasteve nga

Vdes aktori shqiptar Guljem Radoja

Aktori shqiptar Guljem Radoja ka vdekur me koronavirus në moshën 75-vjeçare. Autoritetet shëndetësore kanë njoftuar dy ditë më parë se ai ka qenë në intubim. Ai është trajtuar nga COVID-1

NETFLIX njeh Kosovën

Rrjeti ndërkombëtar i filmave “Netflix” e ka njohur më në fund shtetësinë e Kosovës. Inicuesi i këtij peticioni, Sovran Hoti, ka bërë të ditur se NETFLIX ka shtuar Kosovën në listën

Chloe Zhao, gruaja e parë me ngjyrë që shpallet regjizorja më e mirë me Nomadland

Youn Yuh-jung u bë koreania e parë që fiton si Aktorja më e Mirë Dytësore në filmin ‘Minari’ në edicionin e 93-të të çmimive Oscar sot në Los Angeles. Aktorja 73-vjcare koreano-jugore

Jonida i rikthehet aktrimit

Ermal Mamaqi po korr suksese në fushën e aktrimit. Ai ka treguar që së shpejti do të vie me një projekt të ri. Për të gjithë ata që dëshironin të ketë konfirmim për protagonisten e seri

Info Tjera